Assakaasut quaannaveequtillit peeriaannanngulerput
Biilit quaannaveequteqanngitsunik taarseriaannanngulersut, Kalaallit Nunaanni Politiit nalunaarput. Sumiiffinnili ilaanni aqquserngit suli quasammata suli quaannaveequteqarsinnaasut ilanngullugu nalunaarutigaat.
Biilit assakaasuit aasarsiutinik taarseriaannanngulerput, suliiffiilli ilaat suli quaannaveequtitalinnik assakaasoqarsinnaapput.
Dorthea Reimer-Johansen
Upernaaq aasarlu nalliutiinnaleqaat. Tamannalu isumaqarpoq biileqaruit assakaasutit nalinginnaasunik taarsissagitit.
- Assakaasut quaannaveeqqutillit atorunnaaliivipput. Kingusinnerpaamik 30. april 2024 bilit tamarmik qamutillu ingerlassutit assakaasui quaannaveeqqutillit assakaasunut naliginnaasunut taasertussaanngorput, Kalaallit Nunaanni Politiit nalunaaruteqarlutik Facebookikkut allapput.
Aqquserngit quasattut
Taamaattorli illoqarfinni nunaqarfinnilu ataasiakkaani aqquserngit suli quasapput, taamaammat Kalaallit Nunaata Politiivisa kommunit suleqatigalugit sumiiffinni taaneqartuni assakaasut quaannaveeqqutillit atorneqarnissaat immikkut akuersissutigaat: Avannaata Kommunia, Kommune Qeqertalik, Maniitsoq, Paamiut kiisalu Nuuk.
Immikkut akuersissut 14. maj 2024 ilanngullugu atuukkallassaaq. Nuummi Paamiunilu immikkut akuersissut 10. maj 2024 ilanngullugu atuukkallassasoq, Kalaallit Nunaanni Politiit ilisimatitsipput.
