Assammik arsartartut nunanut allanut unammisartut sungiusaasuat unittoq

Arnat assammik arsarlutik nunanut allanut unammisartuisa sungiusaasuat Mikkel Bom sungiusaasuujunnaarpoq, TAAK ilisimatitsivoq.

Assammik arsartartut kattuffiat, TAAK, arnallu nunanut allanut unammisartut sungiusaasuat Mikkel Bom isumaqatigiillutik suleqatigiikkunnaarput.

Assi: TAAK

Thomas Munk Veirum Tusagassiortoq

Saqqummersinneqarpoq 15. Aggusti 2025 - 10:17

Annonse

Arnat nunanut allanut unammisartuisa sungiusaasuat Mikkel Bom sungiusaasutut tunuarpoq. Mikkel Bom 2024-mi maajimi sungiusaasutut atorfinippoq.

Kattuffik Mikkel Bomilu isumaqatigiillutik suleqatigiikkunnaarsimasut, assammik arsartartut kattuffiat TAAK tusagassiuutinut nalunaarummi allappoq.

- Kattuffiup Mikkel Bom ukiuni kingullerni arnat nunanut allanut unammisartut ineriartornissaannut suleqataaneranut qujavoq. Mikkel Bom siunissami ajunnginnerpaamik kissaapparput – arsaaffimmi avataanilu, TAAK allappoq.

ATUARUK AAMMA

Færøerne immiaaqqanik tunisassiorfiata ikiuunnera sungiusaasut nutaat suleqatigiissitaliornissaannut kinguneqarpoq

Arnat nunanut allanut unammisartut sungiusaasussarsiornerat aallartittoq, nutaamillu sungiusaasoqalernissaata tungaanut TAAK-mi timersornikkut ataqatigiissaarisut sungiusartarnissaq pilersaarusiussavaat.

Savalimmiuni immummik tunisassiortut MBM-ip TAAK-imut aningaasaliineratigut Mikkel Bom nunanut allanut unammisartunut 2024-mi sungiusaasunngortinneqarpoq.