KL

DK

Assit takukkit: Præsident Macronip nunatsinnut tikeraarnera

Sapaat juunip 15-iani franskit præsidentiat siullerpaamik Kalaallit Nunaannut tikeraarpoq, præsident Emmanuel Macron Nuummut tikimmat. Ullormi oqaluttuarisaanermut pingaarutilimmi assilisat takukkit.

Franskit præsidentiat Emmanuel Macron Nuummi mittarfimmi najuuttunut ilassiorpoq.
Oscar Scott Carl Tusagassiortoq assiliisartoq
Saqqummersinneqarpoq
Statsminister Mette Frederiksen, Naalakkersuisut siulittaasuat Jens-Frederik Nielsen aamma præsident Emmanuel Macron Qamanaarsuup Sermianiipput, Nuup kangerluata qinnguaniittoq ornippaat, silap allanngoriartornerata kingunerisai namminneq takuniarlugit. Tassani Malene Simon Hegelund, Pinngortitaleriffimmi ilisimatooq angallassisorivaat.
Tusagassiorfiit 50-it missaanniittut ullormi pisut pillugit ilanngutassiussallutik najuupput. Taakkunannga 25-t Frankrigimeersut Macronip tikinnissaa sioqqullugu timmisartumik attartukkamik tikillutik. Franskit tusagassiortui ullup naanerani præsident Macron malillugu G7-mi ataatsimiinnermi Canadami pisussami malinnaajartorlutik ingerlaqqipput.
Nuummi innuttaasut amerlasuut Nuutoqqami tusagassiortunik katersortitsinermut najuupput.
Qajartortartoq statsminister Mette Frederiksenip kiisalu Naalakkersuisut siulittaasuata Jens-Frederik Nielsenip tusagassiortunik katersortitsinermi tunuani imaani pinnguarpoq.
Præsident Emmanuel Macron aamma Naalakkersuisut siulittaasuat Jens-Frederik Nielsen eqitaarlutik naapipput, statsminister Mette Frederiksenip Nuutoqqami Nuummi tusagassiortunik katersortitsinermi takusinnaallugu.
EH101 Merlin helikopterit marluk sakkutooqarfimmiit naalakkersuisut, isumannaallisaasut tusagassiortullu toqqakkat Qamanaarsuup Sermianut assartorpai.
Tusagassiortunik katersortitsinermi kingorna præsident Macronip piffissaq atorluarlugu assilisaarpoq najuuttunillu ilassilluni.
Emmanuel Macron, Mette Frederiksen aamma Jens-Frederik Nielsen Issittumi tunngaviusumik ilinniarfimmi ilinniartunit sorsuuteeqqamut Niels Juelimut tikilluaqquneqarput.
Præsident Emmanuel Macron aamma Naalakkersuisut siulittaasuat Jens-Frederik Nielsen ataatsimoorlutik tusagassiortunik katersortitsereernerminni assammilluaavittut, Statsministeri Mette Frederiksen isiginnaartoralugu.
Illersornissaqarfiup qulimiguuliutaasa marluk EH101 Merlin helikopterinik taaguutilllit nunat siuttuinik, isumannaallisaanissamik sulialinnik aammalu tusagassiuuteqarfinnik toqqakkanik Qamanaarsuup Sermianut angallassisuupput.
Nuummi innuttaaasut amerlasuut tusagassiortunik katersortitsinermut Nuutoqqami ingerlanneqartumi najuupput
Tusagassiortunik katersortitsinermi Naalakkersuisut siulittaasuata Jens-Frederik Nielsenip Ministeriunerullu Mette Frederiksenip tunuatungaani qajartortartoq takutitsivoq.
Tusagassiortunik katersortitsereernerup kingorna Præsident Macron innuttaasunut selfierumasunut piffissaqarluarluni assiliseqattaarpoq.
Nuummi innuttaasut amerlasuut Nuutoqqami tusagassiortunik katersortitsinermi najuupput.
Ulloq oqaluttuarisaanermi pingaarutilik naavoq, franskit præsidentiata angalaqataalu Canadamut G7-mi ataatsimiinnermut ingerlaqqipput, tassanilu Macronip amerikamiut præsidentiat Donald Trump naapissavaa.
Frankrig inuiaqatigiit Kalaallit Nunaat Emmanuel Macron Inuiaqatigiit

Atorfiit tamaasa takukkit

– Se alle jobs

Powered by Labrador CMS