Aningaasaqarnermut Akileraartarnermullu Ataatsimiititaliap Naalakkersuisut Nuup eqqaani erngup nukinganik nukissiorfiliornissamut 18 millionit koruuninik aningaasaliissuteqaqqinnissamik qinnuteqaataat akuerinngilaa.
Erngup nukinganik nukissiorfiliornissaq annertooq Utoqqarmiut Kangerluarsunnguanni erngup nukinganik nukissiorfiup allilerneqarnissaanut tunngavoq, pilersaarutillu naapertorlugit allilerneqarnissaa 2032-mi naammassineqartussatut siunniunneqartoq 3 milliardit koruunit missaannik akeqartussaavoq.
Aningaasaqarnermut Akileraartarnermullu Ataatsimiititaliap Naalakkersuisut Nuup eqqaani erngup nukinganik nukissiorfiliornissamut 18 millionit koruuninik aningaasaliissuteqaqqinnissamik qinnuteqaataat akuerinngilaa.
Erngup nukinganik nukissiorfiliornissaq annertooq Utoqqarmiut Kangerluarsunnguanni erngup nukinganik nukissiorfiup allilerneqarnissaanut tunngavoq, pilersaarutillu naapertorlugit allilerneqarnissaa 2032-mi naammassineqartussatut siunniunneqartoq 3 milliardit koruunit missaannik akeqartussaavoq.
Annertunngitsumillu aningaasaleeqqinnissamik qinnuteqaat Aningaasaqarnermut Akileraartarnermullu ataatsimiititaliap suli unitsikkallarpaat.
Ataatsimiititaliap qinnuteqaat akueritinnagu Naalakkersuisunut arlalinnik apeqquteqarpoq.
Ataatsimiititaliami siulittaasoq: Ataatsimiititaliap apeqqutit aalajangersimasut paasisaqarfigerusuppai
2025-mut aningaasanut inatsit isumaqatiginninniutigineqarmat 18 millionit koruuninut pineqartut sooq oqaluuserineqarsimannginnersoq ataatsimiititaliap ilaatigut paaserusuppaa.
Aammattaaq erngup nukinganik nukissiorfiliornerit sumut killinnersut, akillu qaffakkiartornerat erngup nukinganik nukissiorfiliornerit aningaasaqarneranut sunniuteqarnersut paaserusunneqarpoq.
Nuup eqqaani alliliinerup saniatigut aamma Aasianni Qasigiannguanilu pilersuisussamik nukissiorfiliortoqassaaq. Suliniutinut taakkununnga aningaasartuutit katillugit 4,6 milliardit koruuniunissaat 2022-mi missingerneqarpoq.
Aningaasaqarnermut Akileraartarnermullu Ataatsimiititaliami siulittaasoq Erik Jensen (S) Sermitsiamut erseqqissaavoq 18 million koruuninik aningaasaliissutip kinguartinneqarnera suliniutinut angisuunut tapersersuiunnaarnermut ersiutaanngitsoq.
18 mio. koruuninik aningaasaleeqqinnissamik suliap kinguartinneqarnera suliniutinut annertuunut tapersersuiunnaarnermik pissuteqanngitsoq Aningaasaqarnermut Akileraartarnermullu ataatsimiititaliami siulittaasup Erik Jensenip (S) Sermitsiamut erseqqissaatigaa.
- Ataatsimiititaliami aalangersimasunut tunngatillugu erseqqissuliorusukkatta itisileeqqusinikuuvugut, Erik Jensen oqarpoq.
Naalakkersuisut apeqqutinut akissuteqareerpata aasaanerani sulinngiffeqarnissaq pitinnagu tapiisoqassanersoq aalajangiiffigineqassasoq ataatsimiititaliap siulittaasuata naatsorsuutigaa.
