Atlantikoq qulaallugu aappassaa Nuummut timmisartuussinermi hashi kiilup affaanik oqimaassusilik ilanngaaserisut nassaaraat
Timmisartup aqqutaa nutaaq sisamanngormat ammarneqarpoq, tallimanngormallu aqqut taanna atorlugu angut hashimik Kalaallit Nunaannut eqqusseriaraluarpoq. Taamaaliortussaasimassanngikkaluarporli.
Kalaallit Nunaanni Danmarkimilu ilanngaaserisut suleqatigiinnerulersimasut, oqartussat ilisimatitsipput.
Toqqorsivimmit assi: Leiff Josefsen
Inuppassuit, immaqa aamma pinerluttut ilaat, Atlantikoq qulaallugu Danmarkimit Danmarkimullu toqqaannartumik timmisartuussiffiusut periarfissatut isigaat.
Tallimanngormammi Københavnimit Nuummut timmisartumik Atlantikoq qulaallugu angalanerup aappaani meqqammernermi politiit angut tigusaraat.
Ilanngaaserisummi angutip nassataani hashi 500 grammit missaannik oqimaassusilik nassaarisimavaat.
- Ilanngaaserisut sulilluarput, Aputsiaq Hansen, Kalaallit Nunaanni Politiini pigaartut pisortaat, oqarpoq.
Ilaasup, Kalaallit Nunaanni najugallip, timaani allanik toqqortaqarnersoq misissorneqarpoq, taamaattoqanngilarli.
