ULLORMI PISUT

Atuarfimmi tillinniartoqartoq

Nuummi atuarfiup igalaava pingasunngornerup unnuaani tillinnianit aserorneqarsimavoq.

Assi: Leiff Josefsen

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 23. Apriili 2025 - 09:22

Annonse

Piffissami kingullermi Nuummi tillinniarnerit arlallit politiit nalunaarutigaat, pingasunngornerullu unnuaani aamma taamaappoq.

Angut kinaassusersineqanngitsoq Atuarfik Ukaliusami (USK) Nuup qeqqaniittumi igalaamik aserueriarluni tillinniarsimasoq pigaartut pisortaat Preben Kleist oqaluttuarpoq.

Politiit nalunaaqutaq 05.47 tillinniartoqarsimaneranik nalunaarfigineqarput.

- Ajoraluartumik piffissami matumani unnuakkut tillinniarnerit arlallit nalunaarutigineqartarput, pigaartut pisortaat oqarpoq.

Aamma marlunngornerup unnuaani pisiniarfik Unik tillinniarfigineqarsimavoq. Tassani nalunaaqutaaqqat arlallit tillinneqarsimapput, politiillu tamatumunnga atatillugu takunnissimasinnaasunik ujartuipput.

Ujaasisoqarmat ajoraluartumik innuttaasunit saaffiginnittoqarsimanngitsoq Preben Kleist oqaluttuarpoq.