Kangiata
illorsuani, Ilulissani UNESCO-p nunarsuarmi kingornussassatut
allattorsimaffianiittumi, ulluinnarni aqutsisuuvoq.
Takornariartitsinermi, akunnittarfinni takornarialerinermilu ukiut
25-t sinnerlugit sulisimavoq.Avannaata Kommuniani Demokraatit sinnerlugit kommunimut maanna
qinigassanngortippoq.
Kangiata
illorsuani, Ilulissani UNESCO-p nunarsuarmi kingornussassatut
allattorsimaffianiittumi, ulluinnarni aqutsisuuvoq.
Takornariartitsinermi, akunnittarfinni takornarialerinermilu ukiut
25-t sinnerlugit sulisimavoq.Avannaata Kommuniani Demokraatit sinnerlugit kommunimut maanna
qinigassanngortippoq.
- Pisuussutivut illersorniarlugit Avannaata Kommuniani kommunalbestyrelsimut qinigassanngortippunga. Takornariartitsineq pisuussutitsinnut aamma ilaavoq.
- Ilulissat takornariarfiit annersaraat. Sermermiut, kangerluk, iluliarsuit, pinngortitaq aamma pisuussutit tingussaanngitsut inuiattut kinaassutsitsinnut attuumassuteqarsinnaasut pisuussutigigivut nassuiaatigikulasarpara.
- Takornariat sullinnerini inooriaasitsinnut ilisimannilerusuttut, inuusuttut politikkimut, kulturimut inooriaatsimullu isiginnittaasiat soqutigineqartartoq naammattoortarpara. Taamaattumillu pisuussutivut pingaarnersiugaraakka taakkulu illersortariaqarpavut, illersortariaqarpavut aningaasarsiornissarpullu qulakkeertariaqarlugu, Karl Aakattak Sandgreen oqarpoq, taanna februaarip qiteqqunnerani 46-nik ukioqalerpoq.
Nunaqavissut
takornarianut isiginnaaginnartut
Karl
Aakattak Sandgreen inuiaqatigiinni oqallissaarisartutut
takornariaqarneq sammisarpaa, maannalu politikkeritut
akisussaaffeqarumalluni piareersimasutut misigivoq.
- kiorpassuarni takornariartitsinermik suliaqarsimanera isertuussaanngilaq. Julip
qeqqani takornariaqarnerpaasarpoq, takusarparalu nunap avataaneersut takornarialeralutik ulapputtut nunaqavissut isiginnaaginnartarnerat.
Takornarialersisullu aasaq qaangiukkaangat aallaqqittarput, Karl
Aakattak Sandgreen oqarpoq.
Taanna nunaqavissut takornarianut
tunniussassaqarnerusartut isumaqarpoq.
- Takornarialerinermi aningaasat eqqartorpallaanngikkaluarlugit nunaqavissut takornarianut tunniussassaqarnerunerat akuerisariaqarparput, aamma tamaani inuunerup kulturillu oqaluttuarilluarsinnaanerummassuk. Takornarialerisoq nunaqavissoq taannaavoq nukittorsarlugulu siuarsagassaq, Karl Aakattak Sandgreen oqarpoq.
Avannaani
Business Council
Avannaata
Kommunia Business
councilimik aallartitsinissaq
sulissutigerusuppaa, soorlu
Qeqqata Kommuniani aamma Kommuneqarfik Sermersouumi najukkami
inuussutissarsiornermik suliaqartunit siulersuisulinnik peqartoq.
Taamatut aaqqissuussineq nunaqavissut
piginnaaneqarnerulissutigissavaat.
-
Siullertut takornariaqarneq pitsaasumik
ingerlanneqartariaqarpoq, inuiaqatigiillu ukiorpassuarni
takornariaqarnerup ineriartortinnissaa akisussaaffigaat. Najukkanni
takornarialerisuuvunga, takornariaqarnermullu tunngatillugu
nunaqavissut
suliaqartut atorneqartariaqarput. Takornariat tunisassiamik
tuniniaallaqqinnerpaaq
toqqartarpaat, Karl Aakattak Sandgreen oqarpoq Colorful Nuullu
assersuutigalugu.
Taakku Nuummi takornarialerisut siuarsarniarlugit
iluatsissimavaat, Ilulissallu takornarianit ornigarneqarnerpaatut
unammillersinnaallugu.
- Colorful Nuuk maanna Visit Nuummik ateqartoq 2016-imi Keflavikimi mittarfimmiitillunga Nuuk pillugu ussassaarutaat takuara, eqqarsarlungalu Nuummiittut professionalimik suleqatigiilluartut torrallaasut, aamma Nuummut takornariarfittut iluaqutissiilluartut. Taamanili takornariaqarneq siuarsarniarlugu illoqarfitsinni takornarialerisut pikkorissut ilisimasaqarluartullu isumassarsiorfigissagivut aalajangerpunga, Karl Aakattak Sandgreen oqarpoq.
Takornariaq
pitsaanerpaanik toqqaasarpoq
Takornariartitsisartut pingaarnerpaamik tunisassiaminnik tuniniaanissaq akisussaaffigigaat, taakkuli kommunimit nukittorsarneqarlutillu siunnersorneqarsinnaasut Karl Aakattak Sandgreen isumaqarpoq.
- Piginnaasaat nukittorsarsinnaallugillu siuarsarsinnaavavut ineriartorsinnaanerannullu aqqutissiuullugit, tunisassianik tuniniaanermik pikkorissaanermik neqeroornikkut imaluunniit siunnersuinikkut.
- Tamanna Avannaata Kommuniata soqutigisariaqarpaa, suut tamarmik imminnut ataqatigiipput. Kommunip taakku akileraarutitigut isertitaqarfigissavai, kommunilu takornariartitsisartunut tapersersuisariaqaraluarpoq naggataani isertitsissutigisussaagamigit, Karl Aakattak Sandgreen oqarpoq.
Takornariaqarnermut
inatsit nutaaq nunaqavissut aningaasarsiornissaannut
neriorsuutitaqanngitsoq isumaqarpoq, Takornariartitsisartup
tunisassiaminik tuniniaallaqqissuunera aalajangiisuummat.
- Takornariaqarnermut inatsit nunaqavissut inuussutissarsiornerannik annaassisussatut isumaqartoqarnera ilumuunngilaq. Inatsisit kisimik taamaaliorsinnaanngillat, takornarialerisup nioqqutissani takornarianut tuniniaalluarsinnaanera apeqqutaanerpaavoq. Takornariap neqeroorut pitsaaneq toqqartarpaa. Tassani kommuni takornarialerisut nukittorsarlugit akuliutissaaq, Karl Aakattak Sandgreen oqarpoq.
