Avannaata Qimussersuanut piaareersaatit ulapputigineqaleruttortut

Martsip naanerani Avannaata Qimussersua Sisimiuni ingerlanneqalerpat inersimasut qimussimik sukkanerpaat 28-t peqataassapput – piareersaatillu annertuut maanna ulapputigineqaleruttorput.

- Avannaata Qimussersua sapaatip akunnerata ataatsip missaani ingerlanneqartarpoq, tassungalu atatillugu piareersaatit assigiinngitsorpassuit soorlu peqataasut inissaqartinnissaat unnukkullu naggataarnersiornissaat ulapputigineqaleruttorput, Sisimiuni qimussertartartut peqatigiiffiat Qimusseq Sisimiut-ni allatsi aamma sukkaniunnissamut atatillugu ataqatigiissaarisoq, Paninguak K. Rafaelsen oqarpoq.

Asseq nammineq pigisaq

Arne Mølgaard Arne Mølgaard Tusagassiortoq

Saqqummersinneqarpoq 19. martsi 2025 - 15:59

Kalaallit Nunaani piorsarsimassutsikkut aaqqissuussat annerpaat ilaat Avannaata Qimussersua 29. marts Sisimiuni ingerlanneqassaaq, tassungalu atatillugu Sisimiuni qimussertartartut peqatigiiffiat Qimusseq Sisimiut aaqqissuisuuvoq.

Nuna tamakkerlugu qimussimik sukkaniunnissamut inuppassuarnit peqataaffigineqartartumut piaareersaatit annertuut ulappugitineqaleruttortut, peqatigiiffimmi allatsi Sisimiunilu qimussimik sukkaniuttoqarnissaanut atatillugu ataqatigiissaarisoq Paninguak K. Rafaelsen oqarpoq.

Piareersaatit ulapputigineqartut

Ussassaarut

AVANNAATA QIMUSSERSUA 2025-MUT PEQATAASUSSATA

Upernaviup eqqaa:

Nr. 1 Paalu Kristensen, Tasiusaq

Nr. 2 Aron Sakariassen, Nuussuaq

Nr. 3 Aron Eskildsen, Tasiusaq

Uummannap Kangerlua:

Nr. 1 Anton Street, Saattut

Nr. 2 Miki Therkelsen, Ikerasak

Nr. 3 Svend-Peter Petersen, Saattut

Saqqaq/Qeqertaq:

Nr. 1 Markus Jensen, Saqqaq

Nr. 2 Mikkel (Uno) Jensen, Saqqaq

Nr. 3 Tittus Broberg, Saqqaq

Qeqertarsuaq:

Nr. 1 Steve Broberg

Nr. 2 Ulloriaq Olsen

Nr. 3 Jonas Lukassen

Ilulissat:

Nr. 1 Henrik Jensen

Nr. 2 Minik Olsvig Svendsen

Nr. 3 Milan Mathæussen

Qasigiannguit eqqaa:

Nr. 1 Marius Steenholdt (Ikamiut)

Nr.2. Aputsiaq Johansen (Ikamiut)

Aasiaat anngunniuuffiat:

Nr. 1 Erneeraq Jeremiassen

Nr. 2 Poul Olsen

Nr. 3 Isak Siegstad

Kangaatsiap anngunniuuffia:

Nr. 1 Bertel Wille (Niaqornaarsuk)

Nr. 2 Gert Nuka Frederiksen (Kangaatsiaq)

Nr. 3 Hans Aronsen (Kangaatsiaq)

Sisimiut:

Nr.1 Nukaaraq Olsen

Nr 2 Uno Bourup, peqataasussat nukarlersaat

Nr.3 Nukannguaq Knudsen

Nr.4 Marius inûsugtoq, peqataasussat angajullersaat

Avannaata Qimussersuata ingerlanneqarnerani inersimasut sukkaniunnerisa saniatigut meeqqat aamma sukkaniutsinneqartarput.

- Avannaata Qimussersua sapaatip akunnerata ataatsip missaani ingerlanneqartarpoq, tassungalu atatillugu piareersaatit assigiinngitsorpassuit, soorlu peqataasut inissaqartinnissaat unnukkullu naggataarnersiornissaat ulapputigineqaleruttorput.

- Qimussumik sukkaniukkiartussat aggerfianni filmertarfeqanngilaq, taamaattumik peqataasut tamarmik Sisimiuni Taseralimmi filmeriartinneqassapput arsaatinneqassallutillu, Paninguak K. Rafaelsen oqarpoq.

Avannaata Qimussersuata sapaatip akunnerata ataatsip ingerlanneqarnerani kajumissutsimik ikiuuttut inuit 60-it tungaanoortut, taassuma oqaatigaa.

Inersimasut qimussimik sukkaniuttussat ingerlaarfissaat 40 kilometerit sinnilaarlugu isorartussuseqarpoq.

Peqatigiiffik katersuuffiusoq

Sisimiuni qimussertartut peqatagiiffianni Qimusseq Sisimiut-mi ilaasortat assigiinngitsumik tunuleqatarput, soorlu ilai aalisartuullutillu piniartuupput, takornarialerisut sunngiffimmilu qimussertartuullutik.

- Uagutsinnut ilaasortat ilai sukkaniuttartuupput ilaallu sunngiffimmi qimussertartuullutik. Peqatigiiffik ilaasortanut assigiinngitsunik aaqqissuussisarpoq, taassungalu aningaasanik katersuinarneq aamma ilaavoq.

- Assersuutigalugu ukioq manna unnuk kulturisiorfimmi Knud Rasmussenip Højskolia suleqatigalugu aaqqissuussatsinnut inuit 250-it missaat ornigupput, taamaattumik peqatigiiffik ilaasortanut innuttaasunullu katersuuffiusarpoq, Paninguak K. Rafaelsen oqarpoq.

Soqutigineqaleriartortoq

Ukiut siuliini Avannaata Qimussersuata ingerlanneqartarnerani inuusuttuaqqat arlallit angusarissaarlutik peqataasarnerat, qimussertarnerup soqutigineqaleriartorneranut sinniuteqarsimasoq, Paninguak K. Rafaelsen isumaqarpoq.

- Meeqqat inuusuttullu akornanni qimusserneq atugaaleriartorpoq, sukkaniutitsisarnernernullu nammineq piumassutsiminnik ikiuuttartut aamma amerliartorput, soqutigineqaleriartorneranullu inuussuttut Avannaata Qimussersuanut peqataasartut amerliartornerat peqqutaaqaalluarsimasinnaavoq.

- Taassuma saniatigut qimussimik sukkaniuttarneq inuit attaveqatigiittarfiisigut takussaanerulernikuuvoq, tamannalu qimussernerup soqutigineqaleriartorneranut aamma sunniuteqarpoq.

Ukioq manna Avannata Qimussersuata Sisimiuni ingerlanneqarnissaat anngunniunnerit ingerlanneqareerput, inersimasuniulu peqataasussani 28-usuni Sisimiuninngaanneersoq Uno Bourup 14-inik ukiulik nukarlersaavoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.