NunaGreenimi pisortaq Aviaaja
Karlshøj Knudsen Arctic Economic Councilimi (AEC - Issittumi
Aningaasaqarnermut Siunnersuisoqatigiit) siulittaasunngorpoq.
Sapaatip akunnerani kingullermi siunnersuisoqatigiit ukiumoortumik
Norgemi illoqarfimmi Mo I Ranami ataatsimiinnerani tamanna pivoq.
Arctic
Economic Council inuussutissarsiortut
Issittumi Siunnersuisoqatigiiffiattut inissisimasoq,
suliniaqatigiiffiuvoq naalakkersuisutigoortuunngitsoq,
inuussutissarsiornikkut kattuffinnik suliffeqarfinnillu
ilaasortaqartoq. Issittumi Siunnersuisoqatigiit assigalugit taassuma
siulittaasoqarfia ukioq
allortarlugu paarlaanneqartarpoq – aamma Issittumi
Aningaasaqarnermut Siunnersuisoqatigiinni siulittaasoqarfik
Kunngeqarfiup Danmarkip Norgemit tigusussaavaa.
NunaGreenimi pisortaq Aviaaja
Karlshøj Knudsen Arctic Economic Councilimi (AEC - Issittumi
Aningaasaqarnermut Siunnersuisoqatigiit) siulittaasunngorpoq.
Sapaatip akunnerani kingullermi siunnersuisoqatigiit ukiumoortumik
Norgemi illoqarfimmi Mo I Ranami ataatsimiinnerani tamanna pivoq.
Arctic
Economic Council inuussutissarsiortut
Issittumi Siunnersuisoqatigiiffiattut inissisimasoq,
suliniaqatigiiffiuvoq naalakkersuisutigoortuunngitsoq,
inuussutissarsiornikkut kattuffinnik suliffeqarfinnillu
ilaasortaqartoq. Issittumi Siunnersuisoqatigiit assigalugit taassuma
siulittaasoqarfia ukioq
allortarlugu paarlaanneqartarpoq – aamma Issittumi
Aningaasaqarnermut Siunnersuisoqatigiinni siulittaasoqarfik
Kunngeqarfiup Danmarkip Norgemit tigusussaavaa.
-
Siulittaasunngortutut Issittumi suliffeqarfiit suleqatigiinnermikkut
ilisimasanillu avitseqatigiinnermikkut attaveqaqatigiinnerat
periarfissaqarluartutut isigaara, Aviaaja Karlshøj Knudsen
Sermitsiamut oqarpoq.
-
Issittumi
Aningaasaqarnermut Siunnersuisoqatigiinni sulineq, Nunatta aamma
NunaGreenip nukissiornermut atatillugu anguniagaannut
naleqqulluinnartuuvoq, tamatumani nukissiuutit ataavartut
qitiutinneqarlutik. Taamaattumik
ukiuni tulliuttuni marlunni sulinissannut neriulluartorujussuuvunga.
-
NunaGreenip suliniutigisartagaasa ilaat AEC-mi suliffeqarfinnut
kattuffinnullu suleqatigiissutigissavavut,
tamatumalu saniatigut
AEC aningaasaliisartunut attaveqaataavoq pingaarutilik, suliniutit
aningaasalersorneqarnissaannut iluaqutigisinnaasarput.
Misilittakkanik
avitseqateqarnissaq
-
Suliffeqarfiit kattuffiillu inatsisinut siunnersuuteqartarneranni
misilittakkanik ineriartortitsinissaq aammattaaq pineqarpoq,
Issittumimi tamarmi suleqatigiinnerput iluaqutigalugu
ilikkagaqarfigisinnaavavut, Aviaaja Karlshøj Knudsen nassuiaavoq.
-
Ukiumoortumik ataatsimiinnermi tamanna erseqqissumik
takuneqarsinnaavoq, ilaatigut takuniarneqarlutik Statkraftip erngup
nukissiorfia Mo i Ranamiittoq
aamma
suliffeqarfik namminersortoq Kvarøy Arctic, avatangiisinik
aalisakkanillu isumassuinermik pingaartitsisumik kapisilinnik
tukertitsisartoq.
Norgemi
umiarsuaatileqatigiiffiit kattuffianni pisortaq Kai Simon Eikli Yuen
kingoraarlugu Aviaaja Karlshøj Knudsen siulittaasunngorpoq.
-
Piujuartitsisumik niuernerup siuarsarneqarnerani nunallu killeqarfii
akimorlugit suleqatigiinnerup siuarsarneqarnerani siuariarnerit
tulluusimaarutigaavut.
Siulittaasuuffiup
ingerlateqqinneqartussanngornerani qularutiginngilarput kunngeqarfiup
Danmarkip tamanna ineriartorteqqissagaa, Issittumilu aningaasaqarneq
pillugu oqaloqatigiinneq nukittorsarneqassasoq, Kai
Simon Eikli Yuen oqarpoq.
Issittoq
akimorlugu
Issittumi Aningaasaqarnermut
Siunnersuisioqatigiit Iqalunni 2014-imi ataatsimiittoqarnerani
pilersinneqarput. Siunnersuisoqatigiit tassaapput Issittumi tamarmi
inuussutissarsiortunit kattuffiit kisiartaallutik nunanit quliusunit
ilaasortaaffigineqartut, suliffeqarfinnut kattuffinnullu
assigiinngitsorpassuarnut sinniisuusunik.
Kunngeqarfimmit Danmarkimit
NunaGreenip saniatigut aamma peqataapput Sulisitsisut, Arctic
Business Network, Siu-Tsiu, Dansk Industri aamma Danske Rederier.
Siunnersuisoqatigiit,
Issittumi Siunnersuisoqatigiit assigalugit Tromsømi
allaffeqarfeqarput, illoqarfimmili allami inissisimasumik,
illoqarfillu Issittumi illoqarfiit pingaarnersaattut imminut
isiginiartarluni. Mads Qvist Frederiksen AEC-p allaffeqarfiani
pisortaavoq.
-
Siulittaasoqarfimmik nutaanik toqqaaneq AEC-mut Issittumilu
inuussutissarsiortunut pingaaruteqarpoq. Norge qutsavigaarput
siulersuilluarsimanera pillugu, Kunngeqarfillu
Danmark tikilluaqquarput. Ataatsimoorluta Issittumi
suliffeqarfiit nipaat nukittorsarniarpavut, nunarsuullu
ilaani tamaani tamarmi
suleqatigiinnissamut periarfissanik nutaanik pilersitsilluta.
-
Siunissaq siornatigutut inngilaq, taamaattumik Mo i Ranami
ukiumoortumik ataatsimeersuarnermi aamma eqqartorneqarpoq Issittumi
Aningaasaqarnermut Siunnersuisoqatigiit siunissami
sammisassaat, taamaalilluta suliffeqarfiit Issittumi ingerlatsisut
oqaaseqartissinnaaniassagatsigik, Mads Qvist Frederiksen oqarpoq.
