Biilertilluni aalakoortoq ukiukitsumik ilaasoqartilluni ajutoorpoq – angajoqqaat politiinit mianersoqquneqarput
Inuit aningaasarsipput, tamannalu peqqutaalluni Kalaallit Nunaanni Politiit ulapaarput.
- Vi vil gerne understrege, at man ikke bør køre bil under påvirkning af alkohol. Det kan være farligt både for én selv og for andre, især når mindreårige er involveret, advarer Aputsiaq Hansen og opfordrer forældre til at tage snakken med deres børn, at de ikke må køre med fulde folk.
Assi: Grønlands Politi.
Aningaasarsisoqarpoq, immiaaqqallu pisiarineqarput - tamanna politiit ulapaarnerannut peqqutaavoq.
- Aningaasarsiffiuvoq, taamaattumik ulapippugut. Imigassartortoqarsimatillugu pisut orniguffigaagut, Aputsiaq Hansen Sermitsiamut oqarpoq.
Nakuusernerit, angerlarsimaffimi eqqissiviilliornerit, aqqusinermi eqqissiviilliornerit, imminut toqunnissamik siorasaarinerit imigassartorsimatillunilu biilernerit politiit ulapputigaat.
Ukiukitsumik ilaasoqarluni biilinik ajutoortoq
Kalaallit Nunaanni Politiit sapaatip unnuaani nal. 00.08 arlalinnik nalunaarfigineqarput biilit Nuummi Atertami qullersuarmut aporsimasut ikuallalersullu - ukiukitsumik ilaasoqarlutik. Aquttoq imigassartorsimasinnaaneranik pasitsaassaqarput. Ilaasut ajoquserput, inuunerminnilli navianartorsioratik.
- Erseqqissarusunnarpoq imigassartorsimatilluni biilernissaq innersuunnanngilluinnartoq. Inunnut allanut namminermullu ulorianartorsiortitsisinnaavoq, ingammik ukiukitsumik ilaasoqarluni, Aputsiaq Hansen mianersoqqusivoq, angajoqqaallu meeqqami aalakoortumik biileqattaaqateqannginnissaannik oqaluuteqqullugit kajumissaarilluni.
Arsuup eqqaani Mayday-ertoqartoq
Politiit juulip sisamaani ullaakkut nal. 08.10 nalunaarfigineqarput angallat Arsuup eqqaani kalerrisaarisoq. Angallat immalersimammat. Arktisk Kommandop qisuariarneratigut inuttat angallammiittut annaanneqarput, angallallu ingerlarsinnaasimalluni. Annaassiniaaneq ajunngitsumik inerneqarpoq, inunnillu ajoqusertoqarani.
Ilulissani angallannermi misissuineq Attumilu aallaammik seqqortoqartoq
Ilulissani aqqusinermi angallannermi nakkutilliisoqarneratigut biilertut arlallit unitsinneqarput - qitequteqanngitsut nasarsuaqaratillu scooterertut. Angallannermi inatsimmi unioqqutsitsinerit arlallit suliassanngortinneqarput.
Taassuma saniatigut nunaqarfimmi Attumi aallaammik seqqortoqarsimaneranik politiit sapaatip ullaassaani 05.42 nalunaarfigineqarput, suliarli suli misissuiffigineqarmat annerusumik oqaaseqarfigineqarsinnaanngilaq.
