Biilinik aallarunneqarsimasunik Nuummi ajutoortoqartoq

Nuummi biili aallarunneqarsimasoq politiit pingasunngornermi unnukkut nalunaaqutaq 23.21 nalunaarfigineqarput.

Biili nalunaaquttap-akunnialui qaangiummata, nalunaaqutaq 03.50, ajutoorfimmini nassaarineqartoq pigaartut pisortaat Poul Kreutzmann oqaluttuarpoq.

Pisumi ajoqusertoqarsimanngilaq.

ATV-t Nuummi sukkalisaarlutik ingerlanneqartut politiit unnuap ingerlanerani unitsippaat.

Nukappiaqqat marluk 16-inik 17-inillu ukiullit ATV-mik aamma aallarussamik ingerlatitsisuupput. Taakkulu politiinit ilisimaneqarput.

Nukappiaqqat taakku biilimik aallarussisuusimasinnaasut politiit ilimagaat.

Biilersinnaanermut allagartaqaratik biilersimasutut ATV-millu aallarussisimasutut unnerluutigineqarput.

Pigaartut pisortaata Poul Kreutzmannip aallarussinerit marluk taakku pissutigalugit innuttaasut biilitik, angallatitik angerlarsimaffimmilu matutik parnaataqullugit kajumissaarpai.

- Tillinniat illunut parnaarneqanngitsunut matuersaatinik tillinniartarsimasut takusarpagut, pigaartut pisortaat oqarpoq.