DØGNRAPPORTI
Biilit marluk aallarunneqartut ajutoortoqartorlu
Pingasunngornerup unnuaani Nuummi biilit marlut aallarunneqarsimapput.
Assi: Oscar Scott Carl
Ullut pingajussaanni Nuummi biilinik aallarussisoqartoq politiinut nalunaarutiginnittoqarpoq.
Pigaartut pisortaat Jørgen Madsen oqaluttuarpoq nalunaaqutaq 04.33 nalunaarutigineqartoq biili Nuummi mittarfiup eqqaani assiaqutinut aporsimasoq.
Biilimik aquttoq ajutoorfimmiit qimaasimavoq, politiillu ilimagaat biili tillinneqarsimasoq.
Pingasunngornermi ullaakkut nalunaaqutaq 06.34 politiit nalunaarfigineqarput biili Mitsubishi Nuup Qinngutsinni najukkami Musaq 5-imiit aallarunneqarsimasoq.
Politiit pisunut taakkununnga marlunnut tunngatillugu takunnissimasinnaasunik allanillu ilisimasaqartunik oqaloqateqarusupput. Ilisimannittut uunga sianeqquneqarput 70 14 48.
