Inatsisartunut qinersinermut
atatillugu Siumup oqaluttuarisaanermi aatsaat taamak annertutigisumik
kinguariarnera, Malik Berthelsenip (S) quarsaarutigaa.
Kommunalbestyrelsinulli ulloq 1. april qinersinissami, Siumut taamak
annertutigisumik kinguariassannginnera ilimagaa.
Inatsisartunut qinersinermut
atatillugu Siumup oqaluttuarisaanermi aatsaat taamak annertutigisumik
kinguariarnera, Malik Berthelsenip (S) quarsaarutigaa.
Kommunalbestyrelsinulli ulloq 1. april qinersinissami, Siumut taamak
annertutigisumik kinguariassannginnera ilimagaa.
- Soorunami Siumup taamak annertutigisumik kinguariarnera assorujussuaq tupannarpoq alianarlunilu. Isumaqarpungali kommunitsinni
innuttaasut nuna tamakkerlugu kommunimilu pissutsit immikkoortissinnaagaat.
Aamma naatsorsuutigaara kommunitta patajaatsumik, toqqissisimasumik
piviusorsiortumillu aqunneqarnerata ingerlaqqinnissaa innuttaasut
kissaatigissagaat, Malik Berthelsen oqarpoq.
Borgmesteritut
sulinermini meeqqat atuarfiata inuiaqatigiinni ataqqineqalernissaa
pingaartillugu sulivoq, meeqqammi atuarfiat meerartatsinnut nunattalu
siunissaanut pingaaruteqartupilussuummata.
- Upperaarami ullumikkut meeqqat atuarfiini naammassisuniit affaasa missaat ilinniarfinnut ingerlaqqittartut ataqqinnerulernitsigut amerlanerulersissinnaagigut, Malik Berthelsen oqarpoq.
Taassuma
misissuineq innersuuppaa, ilinniarlutik ingerlaqqittut 20 procentiinnaasa ilinniartitaanernik inuussutissarsiornermut
sammisunik ilinnialertarnerannik takutitsisoq innersuussutigaa
- Inuussutissarsiornermut
tunngasumik ilinniarfinnut ingerlaqqittartut amerlanerulernissaat
ilungersuutigisariaqarput, nalunngilarpummi taakkunani sulisussanik annertuumik
amigaateqarluta, Malik Berthelsen oqarpoq.
Matematikkimi
angusat pitsaanngitsut
Qeqqata
Kommuniani meeqqat atuarfianni trinini soraarummeernernilu angusaasa
kingulliit, atuartut matematikkimi angusaat, oqaatsini kalaallisut,
qallunaatut tuluillu oqaasiinut sanilliullugu pitsaannginnerat
takutippaa. Tamannali aaqqinneqartariaqartoq, Malik Berthelsen
isumaqarpoq.
- Qinigaaffimmi tullermi atuartut matematikkimi angusaasa pitsanngorsarnissaat aallutissavara. Nunalu tamakkerlugu aamma atuartut fagimi tassani pikkorlunnerat takuneqarsinnaavoq. Tamannalu meeqqat atuarfiata, nunatsinni ilinniartitaanermut siunnersuisooqatigiit matematikkimillu immikkut ilisimasallit suleqatigiillutik atuartut piginnaasaannik qaffassaanerisigut pissaaq, taanna oqarpoq.
Atorfeqartut
amerlinissaat
Qeqqata
Kommuniani utoqqaat illuani meeqqerivinnilu sulisoqarnissaa
qularnaarniarlugu sulisartunik nunani allameersunik
suliartortitsipput.
- Meeqqerivinni ataasiakkaani inimi ataatsimi inunnik pingasunik peqartoqarnissaanut tunngatillugu, meeqqeriviit ullumikkut ajornakusoortumik inissisimanerat ilisimaaraarput. Tamatuma allanngortinnissaanut periarfissat misissorpavut, taamaalilluni inimi ataatsimi inuit sisamaasinnaanngorlugit, sulisummi akornanni napparsimasoqalernerani sulisut ikikkut sinneruttut ilungersunartorsiulernissaat naatsorsuutigisinnaagatsigu. Atorfiit inuttaqanngitsut sulisussarsinissaannik sulissuteqassaagut, Malik Berthelsen oqarpoq.
Mittarfiup
Maniitsumut sunniutaa
Qeqqata
Kommuniata kommunalbestyrelsia inussutissarsiornermik
ineriartortitsinermik pilersaarutinik, nunarsuarmioqatigiit
eriagisassaannik Aasivissuit-Nipisannik aallaavilimmik, kitaanilu
nunamik eqqissisimatitamik siullermik kiisalu Sisimiut
Kangerlussuullu akornanni ATV-nut aqqusinermik aallaavilinnik
peqarput, taakkulu Malik Berthelsenip sulissutigeqqikkumavai.
- Maniitsumut tunngatillugu takornarialerinermi illoqarfik Nuup mittarfittaavanik iluaquteqarsinnaavoq, takornariartitsinermullu ineriartortitsinissamut periarfissagissaarpoq. Tasersiami erngup nukinganik innaallagissiorfiliorsinnaanermut periarfissanut tunngatillugu, suliffinnik pilersitsisoqarsinnaavoq, tamannalu soorunami suleqatigiissutigerusupparput, Malik Berthelsen oqarpoq.
