Brugseni pingajussaanik tillinniarfigineqartoq

Nuummi illoqarfiup immikkoortuani Brugseni Qinngorpumi tillinniartoqarsimasoq Kalaallit Nunaanni Politiit marlunngornerup unnuaani nalunaaqutaq 01.58 nalunaarfigineqarput. Tillinniat tupanik tillinniarnerusimapput.

- Piffissap sivikitsup ingerlanerani pingajussaa taama pisoqarmat innuttaasut ikiortiserivagut. Takunnittoqarsimappat tusaasaqarluniluunniit 701448-mut attavigitigut, Kalaallit Nunaanni Politiiniit Jeppe Andsager kaammattuivoq.

Politiit maannakkut paasisaqarsimapput taakkalu misissuiffigalugit. Politiillu tillinniat pujortaguttut pillugit takunnissimasinnaasunik suli ujartuipput.