Donald Trump Jr. tikinnermini: Takornariatut maaniippunga
Donald Trump Jr.-ip Nuummut tikinnermini takornariatut tikeraarnini naqissuserpaa, angumminiillu inuulluaqqussutissaqarnerarluni.
Donald Trump Jr. Nuummut tikinnermini oqarpoq takornariatut Kalaallit Nunaannut tikeraarluni.
Donald Trump Jr.-ip Nuummut tikinnerani Jørgen Boassen tikilluaqqusisuuvoq.
Jørgen Boassenimit tikilluaqquneqarluni timmisartoqarfimmut isernermini tusagassiortunut soqutiginnittunullu allanut ima oqarpoq:
- Ulluunerani nalunaaquttap akunnialui taamaallaat maaniissaagut, taamaattumik maaniinnitsinni suut tamaasa takuniarlugit ulapputeqarpugut. Tikinnerput nuannareqaarput, Donald Trump Jr. oqarpoq, nangipporlu:
- Takornariatut maaniippunga. Nuna nuanneqaaq maannarnissarpullu sivitsortumik eqqartorsimavarput. Upernaaq sulinngiffeqarninnut atatillugu maannartussaanikuugaluarpunga.
- Maaniinnerali nuannaarutigiinnarpara, timmisartumillu mikkiartornitsinni isikkivik alutornaqaaq.
Aamma angumminit, præsidentinngortussamit Donald Trumpimit, inuulluaqqussutissaqarpoq:
- Tamanut inuulluaqqusivoq. Ippassaq oqaloqatigaara, Kalaallit Nunaannilu kikkut tamaasa ilasseqquai.
