Dronning Mary scooterinit aportittoq

Kongehuset naapertorlugu dronning Mary akornusersimanngitsoq, nutaarsiassaqarfik Ekstra Bladet allappoq.

Sisamanngornermi juulip ulluisa sisamaanni Dronning Mary nuummi scooterinit aportittoq, Ekstra Bladet nittartakkamini allappoq, tassani video takuneqarsinnaalluni.

Pisoq pivoq kunngikkormiut meeqqatik ilagalugit nuummut tikinneranni.

Videomi Sermitsiap pissarsiarisaani takuneqarsinnaavoq Nuummi nuutoqqami aporsineq pisoq.

Dronning aportinnermini ajoqusinngitsoq, attaveqatigiinnermi immikkoortortaqarfiup nalunaarutigaa.

Nipaa sajuttoq

Videomi takuneqarsinnaavoq dronning Mary inuppassuit akornanniinnerani scooterinit tassanngaannaq aportittoq, aportinneranilu inuit isiginnaartut tupattut.

Aportereernerata kingorna PET-imi nakkutilliisoq scooteri illikaqquaa.

- Illit uterit, uterit, PET-imi nakkutilliisoq scooterip inuttaanut oqarpoq. Aquttorlu akivoq:

- Naluara susoqarnersoq.

Dronning Mary saniminit aportikkami uppinngilaq, aportinnerminili ajanneqartutut pilluni uppingajalluni. Videomi takuneqarsinnaasumi tupaqqarpasippoq, pisullu kingorna oqaaseqarani.

Kunngikkormiut nunatsinnut juunip ulluisa 29-ani nunatsinnut tikipput, juulillu arferngani nunatsinniit aallassallutik.

Powered by Labrador CMS