EU-p USA-mut akitsuusiinissamut akisinissani kinguartippaa isumaqatiginninniarnissaq salliutillugu
EU-p USA-llu akornanni niuernermut pissutsit ilungersunaraluartut, kommissionip siulittaasua isumaqatigiinniarnissamut periarfissiiniarpoq.
EU-p naalagaaffeqatigiit akornanni isumaqatigiinniarnissamut periarfissiiniarluni akitsuummik akerliliinissani kinguartikkusuppaa, von der Leyen oqarpoq. (Assi toqqorsivimmit).
Foto: Yves Herman/Reuters
EU-p Amerikamiut sisammut aluminiumimullu akitsuutaasa akiorniarnerannut akissutissaqarnissani kinguartippaa.
Nutaarsiassaqartitsivik AFP naapertorlugu EU-mi kommissionip siulittaasua Ursula von der Leyen taama oqarpoq.
EU-p USA isumaqatigiissuteqarfiginiarsaraa nioqqutissat USA-mut eqqunneqartut 30 procentimik akitsuuserneqartalernissaat pinngitsoortinniarlugu.
Sapaammi nalunaaruteqarneq isumaqatigiinniarnernut piffissaqartitsilissaaq.
Ameriamiut sisammut aluminiumullu akitsuutaannuut qisuariarnissaminnik eu-p kingurtitsinera isumaqatigiinninniarnissamut inissaqartitsilerpoq.
Qisuariutigineqartoq ataasinngornerup marlunngornerullu akornanni atuutilertussaagaluarpoq, atuutsitsinngikkallarneq qaangiuttussaammat.
Atuutsitsinngikkallarnerli sivitsorneqarpoq.
- USA-p allakkatigut akissuteqarfigaatigut isumaqatiginninniutigineqartunik aaqqiisoqanngippat iliuusissat arlallit nassiullugit. Taamaammat iliuusissagut kinguartippagut augustip aallartinnissaanut, sapaammi tusagassiortunik katersortitsinermi von der Leyen oqarpoq.
- Tamatuma saniatigut illuatungiliilluta iliuuseqarnissatsinnut piareersimassaagut, ataatsimiititaliap siulittaasua nangippoq.
Sapaammi taamaaliortoqarpoq Trumpip arfininngornermi EU isumaqatiginninniarnerminik tatisaqattaarmagu aggustip aallaqqaataanit 30 procentimik akitsuusiinissamik sioorasaarlugu.
Trumpip EU-mut allakkamini arfininngormat oqaatigaa USA-p EU-mut niuernikkut attaveqarnera sivisuumik amigartoorfiusimasoq, tamannalu „ajornartorsiutaajunnaartariaqartoq“.
- Aggustip aallaqqaataanit EU-mi nioqqutissanut USA-mut nassiunneqartunut 30 procentimik akitsuusiissaagut, nioqqutissanut allanut akitsuutit ilanngullugit, allassimavoq.
Upernaaq Trumpip nunanut allanut akitsuutinik qaffaaniarluni nalunaaruteqarnerata kingorna nunat assigiinngitsut arlallit akitsuutinik qaffasinnerpaanik ingalassimannissinnaaniarlutik USA-mik isumaqatiginninniarsarinerat pissutigalugu arlallit akitsuutinik qaffaanaveersaarnissaq piniarlugu.
/ritzau/AFP
