Frankrigip nunanut allanut ministeria Kalaallit Nunaanut tunngatillugu aaqqiagiinnginnernik nutaamik takusaqarpoq
Nunanut allanut ministerip Kalaallit Nunaannut angalanermini sakkutuut imarsiortut umiarsuaannik anginngitsumik ingiallorneqarpoq.
- Nunarsuup immikkoortortaa ungasissorsuarmiippoq. Taamaattorli aaqqiangiinngissutaasunik nutaamillu qaasuttumik sunnerneqarput, tamannalu pissutigalugu Frankrig, imarsiornikkut annertuumik nukittuffeqartoq, maani ullumikkut najuuppoq, Frankrigip nunanut allanut ministeria, Jean-Noël Barrot oqarpoq. (Asseq toqqorsivimmit).
Assiliisoq: Abdul Saboor/Reuters/Ritzau Scanpix
Frankrigip nunanut allanut ministeria, Jean-Noël Barrot, Kalaallit Nunaannut tikeraarnermini "Danmarkimut, Kalaallit Nunaannut inuiannullu kalaallinut tapersersuilluni takutitsivoq maannakkut unammilligassat eqqarsaatigalugit".
Nutaarsiassaqartitsivik AFP naapertorlugu taamak oqaaseqarpoq Frankrigip nunanut allanut ministeria.
- Nunarsuup immikkoortui taakku ungasissorujussuupput, taanna oqarpoq.
- Taamaakkaluartoq nalaannikuunngisaminnik aaqqiagiinnginngissutaallutillu qaasuttumik sunnerneqarput, tamannalu pissutigalugu Frankrig, imarsiornikkut nukittuumik inissisimasoq, ullumikkut maaniippoq, Barrot oqarpoq.
Arfininngornermi ministeri franskit sakkutuuisa imarsiortut umiarsuaaraannut BSAM "Garonne" Nuummi umiarsualivimmiittumut pulaarpoq, AFP allappoq.
Sapaammi nunanut allanut tunngasunut naalakkersuisoq, Vivian Motzfeldt (S), aamma Naalakkersuisut siulittaasuat, Jens-Frederik Nielsen (D), ataatsimeeqatigissavai.
Naalakkersuisut tusagassiortunik katersortitsissapput nal. 09.45.
Frankrigip Danmarkimut tapersersuilluni nalunaaruteqartuarpoq, amerikamiut præsidentiat Donald Trump Kalaallit Nunaat tigusarusullugu oqariartuuteqartarnerata kingunerisaanik.
