Aalborgimi
neriniartarfinnguami tusaamasaasumi Alimentumimi sulisut neriniartarfiup
Michelinimik nersornaaserneqarsimanera isiginnaarussuakkut takugamikku
nuannaangaarlutik nilliallutillu eqitaarujussuarput.
Nerisassiorfimmik
piginnittoq Søren Birch Odsherredimi aaqqissuussinermi nersornaammik
tunineqarpoq, Aalborgimili neriniartarfiup pisortaata tullia, igasoq kalaaleq
Taatsiannguaq Geisler, sulisunut aaqqissuussivoq.
Aalborgimi
neriniartarfinnguami tusaamasaasumi Alimentumimi sulisut neriniartarfiup
Michelinimik nersornaaserneqarsimanera isiginnaarussuakkut takugamikku
nuannaangaarlutik nilliallutillu eqitaarujussuarput.
Nerisassiorfimmik
piginnittoq Søren Birch Odsherredimi aaqqissuussinermi nersornaammik
tunineqarpoq, Aalborgimili neriniartarfiup pisortaata tullia, igasoq kalaaleq
Taatsiannguaq Geisler, sulisunut aaqqissuussivoq.
- Tamannami
ukiuni tallimani kingullerni sulissutigisimavarput,“ Taatsiannguaq Geisler
Sermitsiamut oqarpoq.
Naammatsinngilagut
-
Nuanneqaaq. Nersornaatisiniarluta qanoq suleruloortigisimalluta
malugisimanngilarput - kisianni ataaseq qularnanngilaq. Naammatsinngilagut -
sulilluarnerput ingerlatiinnassavarput, tassami nersornaasisissutigaarput.
-
Aningaasarsiornerorusulluta akigitinneqartut qaffakkiartortinnissaat aamma
pilersaarutaanngilaq. Sullissinerput tamaat nersornaatisissutigaarput.
Neriniartarfimmi misigisat tamarmik pineqarput, akigitinneqartut aamma
nalilersuinermi ilaatinneqartarput.
Siarnguttut
Michelinimiit
nersornaatisinerup kingunerisaanik Alimentumimut siarnguttoqangaatsialerpoq.
- Akunneq
siulleq inissat 120-it inniminnerneqarput – ullumikkullu marlunngornermi
inissat 300-t pallillugit inniminnerneqarsimallutik. Taamaammat qaammatini
tulliuttuni neriniartarfipput ulikkaaqqavoq, aasaaneranilu sulinngiffeqarneq
qaangiuppat aatsaat eqqissikannissagunarpugut, Geisler nassuiaavoq, taannalu Taatsiannguup
neriniartarfimmi ulluinnarni taaguutigaa.
Taatsiannguaq
Geisler 25-nik ukioqartoq Nuummi inunngorpoq, arfineq-pingasunilli ukioqarluni
angajoqqaani ilagalugit Aalborgimut nuuppoq. 2023-mi Alimentumimi igasutut
ilinniarsimasunngorpoq kingornalu neriniartarfimmi, 20-nnarnik inissaqartumi,
igasuunermut tullersortinngorpoq.
– Aallaqqaammut
ulapinnaqaaq. Alimentumimimi piumasaqaatit qaffasissorujussuupput. Igasuunerulli,
Søren Birchip, tatigaanga. Taamaammat ilungersorpunga, tassami
anguniagaqarlungalu Alimentum pitsaanerpaanngortikkusuppara.
- Ulloriaasaq
aappaluttoq pissarsiarerusullugu isertuunnikuunngilarput. Pissarsiarisimanngikkaluarutsigulu
pakatsisimassagaluaqaagut. Aamma nuannaartoqarsimassagaluarpoq.
Salliuniarpallaammi nuannarineqarneq ajorput – aamma igasutut sulinermi.
Geisler
igasuunermut tullersortitut ulluinnarni pilersaarusiornerup aqutsinerullu
ilarujussua isumagisarpaa.
– Uani
ukiup qanoq ilinera malillugu naatitat atorneqartarnerat tunngaviusumik
najoqqutarineqartarpoq. Naatsiiassat amerlanersaat Hjørringimi
naatitsivitsinni, aamma puulukiuteqarfigalugulu kukkukuujuteqarfitsinni,
nammineq naatittarpagut.
– Aamma
nutaanik pissarsiniarneq ajornakusooraangat toqqortassaqarsinnaaniassagatta
piffissap ilarujussua naatitanik simersialiorlutalu sinnikunik
qappertitsisarpugut, taamaammallu Alimentumiimi nerisassanik igitsisoqarneq
ajorpoq, Geisler nassuiaavoq.
