GrønlandsBankenip peqquserlunniartoqarnera mianersoqqussutigaa
Inuk GrønlandsBankenimi sulisuusaarluni atuisunut sianeqattaartoq aningaaseriviup mianersoqqussutigaa. Grønlandsbanki paasissutissat isertuussassat oqarasuaatikkut tunniuttaqqunagit mianersoqqussutigaa.
Inuit ilaat GrønlandsBankenimi sulisuusaarluni atuisut aningaaserivimmi kontoannut paasissutissanik pissarsiniarsarivoq.
Assi: Grønlandsbanken
Grønlandsbankenip inuk aningaaserivimmi sulisuusuusaarluni atuisunut sianeqattaartoq mianersoqqussutigaa. Taanna aningaasanik nuussinermut uppernarsaaniartuusaarluni paasissutissanik pissarsiniarsarivoq, attaveqarfigisanilu sukkaannaq paasissutissanik tunniusseqqullugu piumaffigalugu.
Atuisullu attaveqarfigineqartup e-mailikkut uppernarsaammik nassiusseqqullugu qinnuigimmani oqarasuaat ilipallappaa.
Grønlandsbankenip atuisunut paasissutissat isertuussassat oqarasuaatikkut tunniuttaqqunagit maanna mianersoqqussutigaa.
- Grønlandsbankeniminngaanniit oqarasuaatikkut uppernarsaanissat imaluunniit paasissutissanik mianernartunik soorlu nuussinerit, kontomut paasissutissat imaluunniit isissutissat apeqqutigiunnanngikkigut erseqqissarusupparput, banki Facebookimi quppernermini allappoq.
Uani siunnersuutit pitsaasut, assingusumik sianerfigineqaruit:
- Paasissutissanik tunisinak oqarasuaat iliinnaruk.
- Pisoq nalunaarutiginiarlugu toqqaannaq Grønlandsbankenip oqarasuaataanut sianerit.
- Inunnut ilisimanngisannut paasissutissat ilinnut aningaasaqarninnulluunniit tunngasut ingerlateqqinngisaannakkit.
