Hashi poortukkami nassiussami nassaarineqartoq – arnaq tigusarineqarpoq
Ilanngaaserisut allakkani poortukkani hashimik nassaarsimasut politiit sisamanngornermi nalunaarfigineqarput.
Poortukkami hashi 3 kilongajannik oqimaassusilik nassaarineqarpoq.
Arktisk assiliartaq: Leiff Josefsen
Ilanngaaserisut Nuummi allakkerivimmi poortukkami hashimik sisamanngornermi nassaarput.
Pigaartut pisortaat Jørgen Madsen Sermitsiamut oqarpoq.
Poortugaq hashimik 3 kiilungajannik imalik ilanngaaserisumit nassaarineqarsimasoq Politiit sisamanngormat ullaap tungaani nal. 10.40 nalunaarfigineqarsimasut pigaartut pisortaat paasissutissiivoq.
Politiit allakkerivimmut ornigupput, tassanilu inuk poortukkamik aallertoq tigusarineqarpoq.
Kingusinnerusukkut pisumut atatillugu allamik aamma tigusarinnittoqarpoq.
Tigusaasut aappaa iperagaavoq, aappaali, arnaq 30-t sinnerlugit ukiulik, tigummigallarneqarnissani pillugu eqqartuussivimmut ullumi sassartinneqassaaq.
