Hotel SØMA Arctic Starilu Sisimiuni takornariartitsineq nukittorsarniarlugu suleqatigiilersut
Hotel SØMA Sisimiut Arctic Starillu suleqatigiilernerisa Sisimiuni eqqaanilu takornariartitsineq nukittorsassavaa. Pisortatigoortumik peqatigiinneq ukiuni arlalinni attaveqarnermik ataatsimullu takorluugaqarnernik aallaaveqarpoq – suliffeqarillu tamarmik aningaasaliinerat peqatigalugu pilerluni, suliffeqarfiit marluk tusagassiuutinut nalunaarummi allapput.
Assi: Louis Eriksen
Maanna Sisimiunut takornariartunut
periarfissat amerlanerulerput. Tamanna SØMA-p Arctic Starillu isumagaat.
Taakku
suleqatigiinnerat, piffimmi kulturimik pinngortitamillu aallaaveqartumik
piviusunik aaqqissorluakkanillu misigisanik sinaakkusiinissamik siunertaqarpoq.
Piffissami
nunatsinni takornariarnerup siuariartorfiani peqatigiit piffimmik
eqqarsaatiginninneq neqeroorutinillu, angalasunut inuiaqatigiinnullu
avatangiisaasunut iluaqutsiisumik suleqatigiinneq pingaaruteqartutut isigaat.
Alliliineq
aningaasaliinerilu
Hotel
SØMA-p Sisimiuni pigisamik annertuumik allilernerat naammasseqqammivaat. Ininik
inissianillu 22-nik, ataatsimeersuarnerni atortunik nutaanik, cafémik,
neriniartarfimmik, spa-mik longemillu nutaamik alliliinikkut, hoteli
angalasunik ataasiakkaanik angalaqatigiinnillu tikilluaqqusinissaminut
piareerpoq.
Peqatigisaanillu
Arctic Starilu, atortuutiminik nutartereqqammisorlu nutaamik
suliniuteqatigiipput. Tassani cykelit batteriitortut, ATV-t, qamuteralaat
angallallu takornariartaat annertusoq ilaapput. Taamaalillutik takornariat
ukioq kaajallallugu nunami imaanilu sammisaqarnissamik
neqeroorfigineqarsinnaanngorput.
Peqatigiit
naapertorlugit suleqatigiinneq takornariartitsinermi neqeroorutinik
annertunerulersitsinerinnarmut tunnganngilaq, aammali piujuartitsisumik
piffimmillu aallaaveqartumik pinissaa qulakkeerniarneqarpoq. Tamanna
pinngortitamik, kulturimik piffimmilu inuiaqatigiinnik ataqqinninnermik
ilaqartinneqarpoq.
Neqeroorutissat
amerlanerit ineriartortinneqartut
Sammisassat
angallassisoqarluni cykelernernik, ATV-nik UTV-nillu qaqqami angalaarnernik
ukiukkullu qamuteralannik angalaarnerni kiisalu aasaanerani angallammik
angallanneqarnermik imaqarput. Misigisassanik neqeroorutissat nutaat maannakkut
ineriartortinneqarput.
Piffissami
sivisuumi takornariartitsinerup nunatsinni siuariarfiunissaa
taakkartorneqartarpoq, Hotel SØMAllu Arctic Starillu suleqatigiinnerat,
piffimmi - sullissinermut misigisassallu
pitsaassusaannut tunngatillugu - ingerlatsisut ineriartortitsinermut qanoq
peqataaqataasinnaanerannut assersuutissaavoq.
Suleqatigiinneq
pisortatigoortumik upernaaq manna aallartinneqarpoq, aasaaneranilu
ingerlanneqassaaq.
