KL

DK

Ilinniartitsisoq nunanit allaneersunik sulisoqalernissaq pillugu: Nakkutilliineq ajunngequtaavoq - Perorsaanilerinerli annertusinngilaa

Meeqqerivinni nunanit allaneersunik sulisoqalernissaq meeqqamut sunniuteqarsinnaavoq. Taama Cecilie Nikolajsen, Perorsaanermik Ilinniarfimmi ilinniartitsisuusoq naliliivoq. Taassuma oqaatigaa nerititsineq, nangilersuineq aneerussinerlu aamma perorsaanermi sakkuussaasut.

barn, baby
tôrtia Reimer-Johansen
Journalist
Offentliggjort

Nunatsinni meeqqerivinni sulisussaaleqisoqarmat kommunit nunanit allaneersunik sulisussarsiullattaalerput.

Assersuutigalugu nuummi meeqqerivinni kangiamiunik sulisoqarpoq.

Aamma Qeqqata Kommuniani borgmesteri, Malik Berthelsen Sermitsiamut oqaluttuarpoq meeqqerivinni kangiamiunik sulisoqalissallutik, taakku nangilersuinermi, nerisitsinermi aneerussinermilu sulisorineqassapput.

Misigissutsitsigut meeqqanut artornarsinnaavoq

Cecilie Nikolajsen Perorsaanermi Ilinniarfimmi ilinniartitsisuuvoq, suliffimmilu misiliisunut ataqatigiissaarisuulluni. Taassuma oqaluttuaraa nunanit allaneersunik arlalinnik sulisoqalissappat meeqqanut misigissutsitsigut artornarsinnaasoq, ingammik immikkut pisariaqartitsisunut:

- Angerlarsimaffimmi meeqqerivimmilu ileqqut assigiinngippallaaleraangata, meeqqamut misigissutitsigut naleqqussarniarnermut oqimaassinnavoq, Cecilie Nikolajsen nassuiaavoq.

Taassuma ilanngullugu oqaatigaa meeqqat assigiinngitsuummata qisuariarnerat assigiinngissinnaasoq, taamaattorli nunanit allaneersut arlallit sulisorineqalerpara meeqqanut artornarsinnaasoq.

Cecilie Nikolajsenip nassuiaatai aamma naapertorlugit nunaqavissunut sulisunut perorsaanermi malittarisassat eqquutsinnissaat aamma unammillernalersinnaasoq, piumasaqaataammammi meeqqat pisariaqartitaat aallaavigalugit perorsaanermi naammassinnittoqassasoq. Tamanna perorsaaniarnermi kulturit assigiinngippallaarnerat aporfiusinnaammat.

Nakkutilliineq ajunngequtaasinnaavoq - kisiannili...

Nunanit allaniit sulisoqalernermi minnerpaamik ajunngequtigisinnaavaa nakkutilliineq. Sulisummi aalajaanneratigut meeqqat nakkutigineqarluarsinnaammata.

Qeqqata Kommuniani borgmester, Malik Berthelsen Sermitsiamut oqaluttuarpoq kangiamiut nerisitsinermi, nangilersuinermi aneerussinermilu sulisorineqassasut.

Tamannali Cecilie Nikolajsenip, ilinniakkani aallaavigalugu ilisimasaqartup, akerlilerpaa. Suliaqarneq perorsaanerlu ataqatigiimmata.

- Nerisitsineq, nangilersuineq aneerussinerlu aamma perorsaanermi sakkuupput. Suliassaannaanngillat, oqarpoq naggasiillunilu:

- Aneerussineq, nerisitsineq nangilersuinerillu meeqqamut attaveqarniarnermut sakkussaapput.

samfund inuiaqatigiit

ATORFIIT Se alle jobs

Powered by Labrador CMS