KL

DK

Ilinniartoq Kalaallit Nunaat pillugu oqalugiartoq nersornaaserneqartussatut innersuunneqartoq

Aviaya Marie Hjortsbjerg Andersen 18-inik ukiulik Kalaallit Nunaat pillugu isummiussereertarneq pillugu oqalugiaamminik Danske Talerimit piginnaanillit nersornaasiuttagaannut nutaamut innersuunneqarpoq.

Flag
Thomas Munk Veirum
Nutaarsiassaqartitsisoq
Saqqummersinneqarpoq

Danske Talerip nersornaasiuttagaa nutaaq, „Ukiumi nipi nutaaq“-mik taaneqartoq, pingasunngorpat tunniunneqassaaq. DR-ip P3-a suleqatigalugu DR-ip Grundlovsfest-iani DR Byen-imi piginnaanillit akornanni nersornaat tunniunneqassaaq.

Aviaya Marie Hjortsbjerg Andersen, Nuummi peroriartorsimasoq maannalu Munkensdamimi ilinniarnertuunngorniarfimmi ilinniartoq, nersornaammut innersuunneqartut tallimat ilagaat.

Inuusuttut sapiillutik oqalugiarnissamut allannguinissamullu sapiissuseqartut nersornissaat nersornaasiinermi siunertaavoq, Aviaya Marie Hjortsbjerg Andersenillu oqalugiaataa imatut oqaasertalerlugu naliliisartut innersuussutigaat:

- Quiasaarneq assuarnaateqanngissuserlu atorlugit sammisap ilungersunartup ukkatarineqarnissaa Aviayap anguniarpaa, tassa naalagaaffeqatigiinnermi qallunaat tungaannit kalaallit pillugit isummiussereertarneq, Danske Taler allappoq, oqalugiaallu Nordisk Talefest 2024-mi saqqummiunneqarpoq.

- Nersornaammut innersuunneqarnera nuanneqaaq, misigisimavungami oqariartuutiga inunnut amerlanerusunut tusarliutigissallugu periarfissaqalerlunga, taamaattumik uannut pingaaruteqartorujussuuvoq, Aviaya Marie Hjortsbjerg Andersen oqarpoq.

- Nuanneqaaq

Innersuunneqarnini nuannaarutigingaarlugu ilinniartoq inuusuttoq taanna Sermitsiamut oqarpoq:

- Nersornaammut innersuunneqarnera nuanneqaaq, misigisimavungami oqariartuutiga inunnut amerlanerusunut tusarliutigissallugu periarfissaqalerlunga, taamaattumik uannut pingaaruteqartorujussuuvoq, Aviaya Marie Hjortsbjerg Andersen oqarpoq nangillunilu:

- Kalaallit Danmarkimiittut isummiussereertarnermik misigisaqartartut sinnerlugit oqalugiarsinnaallunga misigisimagama uannut aamma pingaaruteqartorujussuuvoq.

Pisiarineqarsinnaanngilagut

Oqalugiaat qulequtaqarpoq 'Pisiarineqarsinnaanngilagut', Donald Trumpip 2019-imi Kalaallit Nunaannik piseriarneranut innersuussisoq.

Kalaallit Danmarkimi isummiussereertarnermik aqqusaagaqartarnerat  Aviaya Marie Hjortsbjerg Andersenip oqalugiarnermini eqqartorpaa, Kalaallit Nunaallu isumaginninnikkut unammilligassaqaannanngitsoq erseqqissarpaa:

- Inuusuttunik pikkorissunik aallarnisaasunik, eqqumiitsuliortunik, isiginnaartitsisartunik inuusuttunillu ilinniagaqarluartunik nuna peqarluarpoq. Assersuutigalugu Ivalu Barlach Christensen Nuummeersoq astrofysikeritut ilinniarsimavoq, Aka Niviana HBO-mi aallakaatitassiani inuttaavoq minnerunngitsumillu Niviaq Korneliussen atuakkiani blomsterdalen pillugu 2021-mi Nunat Avannarliit Siunnersuisoqatigiivisa atuakkiornermut nersornaasiuttagaannik nersornaaserneqarpoq, Aviaya Marie Hjortsbjerg Andersen ilaatigut oqarpoq, naggasiillunilu:

– 2019-imi Donald Trumpip Kalaallit Nunaat pisiariniarlugu misilippaa, tamannalu pissutissaqarluarpoq.

Danske Talerip nittartagaani oqalugiaat tamaat atuarneqarsinnaavoq. 'Ukiumi nipi nutaaq'-mik dr.dk-mi atuisut taasissapput, soqutiginnittullu uani taasisinnaapput.

samfund inuiaqatigiit aviaya marie hjortsbjerg andersen danske taler årets nye stemme dr's grundlovsfest grønlandske fordomme

ATORFIIT Se alle jobs

Powered by Labrador CMS