KL

DK

Ilisimatusartoq nalunnginneqarluartoq professorinngortoq

Ilisimatusarfimmi ilisimatusartoq ilinniartitsisorlu Steven Arnfjord professorinngortinneqarpoq.

Steven Arnfjord ukiuni 15-ini Ilisimatusarfimmi sulereerluni professorinngorpoq.
Thomas Munk Veirum
Tusagassiortoq
Saqqummersinneqarpoq

Steven Arnfjord ukiorpassuarni isumaginninnermut tunngasunik ilisimatusarnini tunngavigalugu inuiaqatigiinni oqallinnermi saqqummertartoq maanna professorinngorpoq.

Ilisimatusarfik taama paasissutissiivoq.

Ilisimatusarfimmi ukiuni 15-ini ilinniartitsisooreerluni ilisimatusartooreerlunilu Steven maanna professorinngorpoq - suliatigut pitsaasumik nalilersuisoqareernerani, Ilisimatusarfimmilu Ilinniagartuut Siunnersuisoqatigiivisa akuersereerneranni:

- Steven Arnfjord ukiorpassuanngortuni ilinniartitsinermut, inuiaqatigiinni oqallinnernut aamma ilisimatusarnernut annertuumik tapersiisarpoq - ilisimatusaatigalugillu suliniutigisimasai saqqummersissimasaalu arlaqartut alutornarluinnartuupput, Ilisimatusarfik professorinngortitsinermut atatillugu allappoq.

- Suliaanilu malunnaateqarluarnerpaasimasut ilaat tassaavoq nunarput tamakkerlugu inunnik angerlarsimaffeqanngitsunik kisitsineq siullerpaaq - suliaq tamanna nunatsinni isumaginninnermik suliassaqarfiup iluani ilisimatusarnermi malitassanik pilersitsisimavoq.

Kalaallit Nunaannilu inooqatigiinni pissutsit pineqartillugit paasissutissiinerni paasiniaanernilu Steven Arnfjordsip nipaa ersarinnerpaasartoq Ilisimatusarfiup nalilerpaa.

steven arnfjord inuiaqatigiinnik ilisimatusarneq inuiaqatigiinni ilisimatusarfik inuiaqatigiit professori

Atorfiit tamaasa takukkit

– Se alle jobs

Powered by Labrador CMS