KL

DK

Illuatungiliuttut: Iluarsartuussinissamik pilersaarut naligiinnginnermik ineqarnermullu akiliutip qaffanneranik kinguneqassaaq

Inatsisartuni illuatungiliuttut ukiut qulit ingerlaneranni 1 milliardit koruunit atorlugit iluarsartuussinissamik pilersaarut isornartorsiorpaat. – Allaat innuttaasut namminerisaminnik ineqartut inissianik pisortanik pigineqartunik nutarterinissamik pilersaarummik akileeqataassapput, Atassut oqarpoq 

Inatsisartuni illuatungiliuttut Namminersorlutik Oqartussat inissiaataasa nutarternissaannut pilersaarut pilersaarutillu aningaasalernissaa isornartorsiorpaat.
Oline Inuusuttoq Olsen
Offentliggjort

Naalakkersuisut ukiuni 15-ini tulliuttuni 1 milliardit koruunit atorlugit Namminersorlutik Oqartussat inissiaataasa iluarsartuunnissaannik pilersaarutit qaammammi kingullerni saqqummiuppaat, aaqqiissutissaalluni ineqarnermut akiligassat ukiumut 3,8 procentimik qaffanneqartarnissaat isertitakitsut eqqarsaatigalugit ineqarnermut tapiissummik aaqqissuussinermi naleqqusaasoqarluni.

Illoqarfinni 17-ini Namminersorlutik Oqartussat inissiaataasa aserfallatsaaliinissami kinguaattoornerat 2,1 milliardit koruuninik naleqarpoq. Tamanna nuna tamakkerlugu pilersaarusiorneq pillugu nalunaarusiami ”Pisariaqartumik iluarsartuussineq” takuneqarsinnaavoq, 2023-mi aningaasaqarnermut naligiissitaanermullu Naalakkersuisoqarfiup saqqummersitaani.

Naalakkersuisut ukiuni 15-ini tulliuttuni 1 milliardit koruunit atorlugit Namminersorlutik Oqartussat inissiaataasa iluarsartuunnissaannik pilersaarutit qaammammi kingullerni saqqummiuppaat, aaqqiissutissaalluni ineqarnermut akiligassat ukiumut 3,8 procentimik qaffanneqartarnissaat isertitakitsut eqqarsaatigalugit ineqarnermut tapiissummik aaqqissuussinermi naleqqusaasoqarluni.

Illoqarfinni 17-ini Namminersorlutik Oqartussat inissiaataasa aserfallatsaaliinissami kinguaattoornerat 2,1 milliardit koruuninik naleqarpoq. Tamanna nuna tamakkerlugu pilersaarusiorneq pillugu nalunaarusiami ”Pisariaqartumik iluarsartuussineq” takuneqarsinnaavoq, 2023-mi aningaasaqarnermut naligiissitaanermullu Naalakkersuisoqarfiup saqqummersitaani.

- Inissiat oqummit nutarterneqassappata tamanna ajunngilaq, tamannali uani pilersaarummi siunertaanngilaq. Maluginiartariaqarpat taamaallaat illoqarfinni immikkut toqqakkani ukiut qulit ingerlaneranni aningaasaliiffigineqartussani ingerlanneqassammat. Allassimasoqanngilaq inissiat aserfallatsaalineqarnissamik pisariaqartitsinerpaat salliutinneqarnissaannik, Naleqqap siulittaasua Pele Broberg isornartorsiuivoq.

- Una pilersaarut naligiinnginnermik pilersitsissaaq ineqarnermullu akiliut qaffalluni. Ukiuni qulini tulliuttuni Nuummi inissiat nutarternissaannut 400 millionit koruuninik aningaasaliisoqassaaq, tassalu ukiumut 35-40 millionit koruunit. Uummannaq 2 millionit koruuninik pissarsissaaq Upernavillu pissarsinani. Inukillisaanissamik siunertaqartoqarnera ersarippoq. Alla pineqanngilaq taamaallaat Nuuk. Sisimiut nunatsinni illoqarfiit annersaasa tulliat ukiut qulit ingerlaneranni 100 millionit koruuninik pissarsissaaq, tassalu ukiumut 10 millionit. Taakku sumut atorneqassagamik? Pele Broberg aperaaq.

Namminersorlutik Oqartussat inissiaataanni ineqarnermut akiliut 2027-mit 2042-mut ukiumut 3,8 procentimik qaffaanissaq ukiumut 190 koruuniinik qaffanneruvoq, attartortut inissiaqarmata qaammammut 5.000 koruunilinnik.

- Ajornartorsiutaavoq tamanna, tassaanngimmat eqqortoq tamakkiisoq. Ukiumut qaffaanerit taamaallaat ukiumut 190 koruuninik qaffaanerunngillat. Piffissap ingerlanerani 3.700 koruuninik qaffaaneruvoq, Pele Broberg oqarpoq.

Inissiaatillit allaat akiliisinneqassapput

Atassutip nutarterinissamut pilersaarutit aningaasalersornissaat Nunatsinni akileraartartunik eqquisussaq isornartorsiorpaa. Allaat inuit imminnut inissianik pilersorsimasut.

- Ineqarnikkut aaqqissuusseqqinnissaq pillugu isumaqatigiinniarnernit anivugut, Naalakkersuisut aningaasaliinissamut pilersaarutertik uppernarsarmassuk, takutinneqarluni innuttaasut tamarmik nutarterinermut pilersaarutaasumik akiliissasut. Allaat inuit namminerisaminnik inissiaateqartut suliffeqarfiillu namminersortut iluarsaassinissamut pilersaarummit taassuminnga eqqugaassapput, tamanullu eqquinerlussaaq. Taamaattumik taama sakkortutigisumik qisuariarpugut, inuiaqatigiinnimi tamanik eqquiinnartussaanngilaq aammali akisussalluni. Akitsuutinik nutaanik pilersitsiuarneq aningaasaqarnerinnatsinnut pitsaanngitsumik sunniuteqassaaq, Atassummiit Bentiaraq Ottosen isornartorsiuivoq.

Demokraatit siulittaasuanit Jens Frederik Nielsenimit taperserneqarpoq.

- Pilersaarut najugaqartunut ukiut arlaqartut ingerlaneranni inissiamik attartorsimasunut eqquissaaq, ukiut ingerlanerini ineqarnermut akiligassaq katillugit 60 procentimik qaffassammat. Tamanna allatut aaqqinneqartariaqarpoq. Tamatta isumaqatigiissutigisinnaavarput nutarterinissamut kinguaattoorneq aaqqinneqartariaqartoq, naapertuutinngilarli tamanit nammanneqarnissaa, Jens-Frederik Nielsen oqarpoq.



Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuiaqatigiit samfund

ATORFIIT Se alle jobs

Powered by Labrador CMS