KL

DK

Iluliarsuaq talittarfiup eqqaaniittoq upalungaarsimasunit mianersoqqussutigineqartoq

Iluliarsuaq aserorataannaammat innuttaasut ataatsimoorlutik pisiniarfimmukartannginnissaat upalungaarsimasunit kaammattuutigineqarpoq.

Iluliarsuaq Royal Greenlandip tunitsiviata eqqaani.
KASSAALUK KRISTENSEN
KASSAALUK KRISTENSEN Digitalredaktøri
Saqqummersinneqarpoq

Iluliarujussuaq Innaarsuit eqqannguaniippoq.

Iluliarsuaq aserorsinnaammat innuttaasut talittarfimmeeqqunagit Avannaata Kommuniani upalungaarsimasunit mianersoqqussutigineqarpoq. Aserorneranit mallilerataannaavoq aserorterisinnaallunilu.

Iluliarsuaq Royal Greenlandip aalisakkeriviata eqqaaniippoq, nunaqarfiup pisiniarfiata Pilersuisup eqqaani.

- Pisiniarfiliartut sapinngisamik ataatsimoornatik ingerlassapput, pitsorluttullu saamma sissueqquneqarput.

Imaatigut angalasut tulakkiartornerminni aamma mianersoqquneqarput.

- Nunaqarfimmi qatserisartuniik sillimmaniartussanik piareersimatitsisoqalerpoq.

Innaarsunni iluliarujussuit takornartaanngillat. 

2018-imi nunaqarfiup eqqannguani iluliarujussuaq ikkarlissimasoq aserorsinnaanera aarlerinarmat Innaarsummiut qimagussortinneqarput.

Aamma 2020-mi taama pisoqarpoq. Iluliarsuaq 250 x 180 meterisut angissusilik taamani aarleqqutigineqarpoq. Upalungaarsimasunit taamani aarlerinannginnerusoq nalilerneqarpoq.

avannaata kommunia inuiaqatigiit innaarsuit

Atorfiit tamaasa takukkit

– Se alle jobs

Powered by Labrador CMS