Ilulissani mittarfissaq nutaaq piareerpoq
Ilulissani nunanit tamalaanit mittarfissuassaq nutaaq aappaagu atulissaaq. Naammassinissaa maanna qalliallappoq.
Ilulissani mittarfik nutaaq 2200 meterinik takissuseqarpoq.
Assi: Munck Gruppen
Ilulissani mittarfissap 2200 meterisut takitigisup sananeqarnera naammassivoq.
Munck Gruppen nittartakkamini allappoq.
Munck Civil Engineering Arcticimit mittarfiliornermut akisussaaffigineqarpoq. Mittarfiliornermi 400.000 kvadratmeterinik annertutigisumik nunami aamma narlorsaasoqarpoq, mittarfiup ataatigut kabeli 90 kilometerisut takissusilik ikkussorneqarluni 6 kilometerisullu takitigisumik ungaluliortoqarluni.
Ulapaarnerpaaffimmi sulisut katillugit 140-t sulisimapput.
Qimussinut aqqusinniornissaq tullinnguuttoq
- Sulisuvut pikkorissut pinngitsoorsinnaanngilavut. Taakku eqqumanermi annerpaartaa suliniummut atortarpaat.
- Ataasinngornermiit arfininngornermut immikkoortut marlunngorlugit paarlakaallutigut piffissap ilaani sulinikuupput - tamannalu mittarfiliornissamut piffissaliussap malinneranut pissutaaqataavoq.
Suliarli suli naammassinngilaq. Mittarfik 2026-mi piareertussaavoq, taassumalu tungaanut Munck Gruppen mittarfimmut aqqusinermik nutaamik, mittarfiusimasukkoortumik, suliaqartussaapput. Qimussinut aqqut nutaaq aamma naammassiniarneqartussaassaaq.
