USA-p
præsidentiata Donald Trumpip USA-p rakettinik illersornissamut illersuummik
pilersitsinissamik pilersaarutini avataarsuaniittussaq sapaatip-akunnerani
kingullermi saqqummiuppaa.
Suliniut
taanna, Golden Dome-mik (qaarajunneq kuultiusoq, aaqq.) taaneqartoq, immikkut
ilisimasallit naliliineri naapertorlugit pilersinnissaanut akisuallaarlunilu
ajornakusoorluinnassagami Kongressimi Demokraatinit Republikanerinillu
akerlilersorneqangaatsiassangatinneqarpoq.
USA-p
præsidentiata Donald Trumpip USA-p rakettinik illersornissamut illersuummik
pilersitsinissamik pilersaarutini avataarsuaniittussaq sapaatip-akunnerani
kingullermi saqqummiuppaa.
Suliniut
taanna, Golden Dome-mik (qaarajunneq kuultiusoq, aaqq.) taaneqartoq, immikkut
ilisimasallit naliliineri naapertorlugit pilersinnissaanut akisuallaarlunilu
ajornakusoorluinnassagami Kongressimi Demokraatinit Republikanerinillu
akerlilersorneqangaatsiassangatinneqarpoq.
Pituffimmi
radareqarfik Kikkut
illersorneqarnissamut ilaassanersut suli ilisimaneqanngilaq, Canadalli
suliniummut aningaasaliinissamut periarfissaq pillugu USA
oqaloqatigisimagunarpaa. Tassungalu atatillugu Kalaallit Nunaat suliniummi
ilaasutut naatsorsuutigineqarnersoq apeqqutigineqarsinnaavoq.
–
Soorunami USA-mut raketsit ingerlaartut paasineqartariaqarput. Pituffimmi
radari sorsunnersuup nillertup nalaani kalerrisaarutinut ilaavoq, aamma
ullumikkut radari taama atorneqarpoq. Taamaammat USA-p Golden Dome-mik suliniut
piviusunngortikkusuppagu, taava Pituffimmi radari arlaatigut
ilaatinneqartussaassaaq. Ullumikkulli atuuffimminiit allaanerusumik
atuuffeqassanersoq ilisimanngilara, Peter Viggo Jakobsen, Illersornissaq
pillugu ilisimatusarfimmi immikkut ilisimasalik oqarpoq.
– Soorunami USA-mut raketsit ingerlaartut paasineqartariaqarput. Taamaammat USA-p Golden Dome-mik suliniut piviusunngortikkusuppagu, taava Pituffimmi radari arlaatigut ilaatinneqartussaassaaq, Illersornissaq pillugu ilisimatusarfimmi immikkut ilisimasalik oqarpoq.
Assi: Sten Bidstrup/Scanpix
Star
Wars-imik suliniut ingerlateqqinneqalersoq Donald
Trumpip isumassarsiaa tassanngaannaq takkussimanngilaq. 1980-ikkunni
præsidentiusimasup Ronald Reaganip pilersaarutaa „Star Wars“-imik
(silaannarsuarmi sorsunneq, aaqq.) taaneqartoq, Israelip rakettinut
kalerrisaarutaanut Iron Dome-mut, maanna Gazamut sorsunnermi atorneqartumut,
attuumassuteqartoq, ingerlateqqinneqarpoq.
–
Taamanikkut suliniummik Star Wars-imik pilersaarusiorneq tassaavoq USA-mut
raketsit suulluunniit, soorunami Sovjetunionip atomimik sakkussiaanut, taamani
ernumagineqartunut, qaartitsisinnaanissaq. Trump maannakkut aamma taama
takorluugaqarpoq. USA-p silaannaani illersuummik sananissaq taamaalillunilu
nunap raketsinut sunulluunniit illersornissaa takorluugaavoq, Peter Viggo
Jakobsen oqarpoq.
Nakutitsiniarluni
sanilliussineq Taamaakkaluartoq
Israelip rakettinut illersuutaa Iron Dome Trumpillu illersuutaa Golden Dome
assigiinngissuteqarput. DTU Spacemi immikkoortortami aqutsisoq
avataarsualiartarnermullu immikkut ilisimasalik, professor John Leif Jørgensen,
oqarpoq:
Golden Dome piviusunngortinneqassappat Trump saassussisinnaanngorluni sakkussiaqalissaaq, taamaalillunilu sorsunnersuup pingajuanik aallartitsisinnaasumik aarlerinartoqalersitsissalluni, DTU Spacemi professori John Leif Jørgensen oqarpoq.
Assi: Liselotte Sabroe/Scanpix
- Trump nakutitsiniarluni sanilliussivoq. Israelimi rakettinut illersuut
missilinik raketsinillu ungasinngitsumut igeriuttakkanik arriitsumillu
ingerlasartunik, sakkutkitsumik qaartartortalinnik ataasiakkaarlutik
qaartinneqartartunik qaartitsissutaavoq. Trump pilersaarut Golden Dome atorlugu
missilinik ungasissumut igeriunneqarsinnaasunik, sukkasuumik ingerlaartartunik,
atomillu nukinganik sakkuukkajuttunik unitsitsisinnaaniarpoq.
Taamaammat
Kalaallit Nunaat illersorneqanngikkaluarluni missilinut illersuummut ilaavoq .
- Kalaallit
Nunaat imminermini eqqugassatut inissisimanngikkaluarluni USA-mut
aqqutaaniikkami sorsunnermi eqqugaasinnaavoq, John Leif Jørgensen oqarpoq.
Sakkut
avataarsuaniittut DTU
Spacemi professori naapertorlugu Trump missilinut illersuummik missilinut immap
naqqaniit, nunamiit avataarsuaniillu, maannamut sakkussiaqarfiusimanngitsumit,
USA-mut aallartinneqartunut illersuisinnaasunik pilerisaarivoq.
Rusland USA-mik suujunnaarsitsinissamik pilersaaruteqartoq eqqarsaatigigaanni, taava missilimik atomip nukinganik imalimmik ataasiinnaanngitsumik ataatsikkulli arlalinnik aallartitsissapput. Taava siulliit Tunup silaannaani qaartinneqassapput, taamaalillutik radarimit takuneqarsinnaajunaarlugit sinnaanngisaanik plasmamik nuialiortinneqassapput. Nuissat taakkua ataani missilit atomip nukinganik qaartartullit allat tamarmik USA-mut ingerlaqqissapput, taamaalillunilu ”Early Warning system” (kalerriigasuartaat, aaqq.) atorneqarsinnaajunnaassaaq.
Professori John Leif Jørgensen, DTU Space
–
Putinip silaannarmut sakkussianik aallartitsiniarluni sioorasaarutigaa. Maanna
USA aamma taamaaliorpoq. Tamannalu tamatsinnut nutaarsiassaavoq nuanniitsoq.
Sooq silaannaq sakkussialersussavarput? Nunat arlaannaatalluunniit
siulliullutik saassussisinnaalerlutik sakkussaqannginnissaat pingaaruteqartoq
1970-ikkunniilli periusissiaqarpugut. Golden Dome piviusunngortinneqassappat
Trump saassussisinnaanngorluni sakkussiaqalissaaq, taamaalillunilu
sorsunnersuup pingajuanik aallartitsisinnaasumik aarlerinartoqalersitsissalluni.
Akerleriissutaasunik
annertusaaneq Golden
Dome-p ineriartortinnissaa qujanartumik akisuallaarujussuartoq, taamaammallu
piviusunngortinneqarsinnaanavianngitsoq Peter Viggo Jakobsenip aamma John Leif
Jørgensenip erseqqissarpaat.
- Trumpip
eqqartugaanut assingusumik annertusaaneq piviusorsiornerunngilaq, aamma
akisoorujussuuvoq. Ilimanarpoq 500 milliardit dollariniit
eqqartorneqareersuniit suli akisunerujussuussasoq. Ukiullu sisamat
ingerlanerinnaani sananeqarnissaa aamma piviusorsiunngitsupilussuuvoq, Peter
Viggo Jakobsen oqarpoq.
Aammattaaq
Golden Domep silarsuarmi akerleriinnerit ulorianarnerpaat ilaat
sakkortunerulersissavaa — tassa atomimik sakkussiaqarneq.
- Taamaammat tamatta eqqarsarluaqqusisariaqarpugut, John Leif Jørgensen oqarpoq.
