KL

DK

»Imminut assortuuttunik oqalunneq pitsaanngitsoq«

Múte B. Egedep USA-mi tv-mi oqalunnera ajunngitsutut nalilerneqarpoq. Qaquguli qinersisoqassava, nunarsuarmilu aarlerinartulimmi nunanut allanut politikki qanoq pissava?

Mute B. Egede ulapippoq nassuiaassalluni Kalaallit Nunaata inissisimanera - aamma amerikami tv-mi. Tassani takuneqarsinnaavoq qinersiviup unnukkuani 2021-mi.
Niels Ole Qvist
Tusagassiortoq
Saqqummersinneqarpoq

Ukiuunera aatsaat taama eqqumiitsigisunik pisoqarfiuvoq.

Donald Trumpip oqariartuutaasa kingunerisaanik – Inatsisartunullu qinersinissaq taama qanitsigitillugu – qinikkat pilersaarutit malillugit ataasinngornermi februaarip 3-ani Inatsisartut ukiaanerani ataatsimiinnerisa immikkoortuisa aappaat katersuuffiginiarsarissavaat.

Ukiuunera aatsaat taama eqqumiitsigisunik pisoqarfiuvoq.

Donald Trumpip oqariartuutaasa kingunerisaanik – Inatsisartunullu qinersinissaq taama qanitsigitillugu – qinikkat pilersaarutit malillugit ataasinngornermi februaarip 3-ani Inatsisartut ukiaanerani ataatsimiinnerisa immikkoortuisa aappaat katersuuffiginiarsarissavaat.

- Qulequttalli aallunniarnerat ajornakusuussagunarpoq. USA initoqaaq. Ungasinngitsukkullu qinersisoqartussaassaaq, taamaalilluni siunnersuutit ilaat igiinnarneqassagunarlutik, Atassutip siulittaasua Aqqalu Jerimiassen naliliivoq.

Oqaluuserisassat ilaatigut tassaapput oqaatsinut politikki, nioqqutissat akii, kommunit avinnissaat, ingerlatseqatigiiffiit akileraarutaat, qaffasissumik timersorneq. Kiisalu suliassat allarpassuit annertuut annikinnerusullu. Aqqalu Jerimiassen ataatsimiinnissami allatut ittumik siunnersuuteqarpoq, tassalu Kalaallit Nunaanni inuussutissarsiutigalugu isikkamik arsaannerup qanoq siuarsarneqarsinnaanissaa pillugu. Suliarineqarpoq nunat tamat akornanni eqqissiviilliorneq sioqqullugu.

Atassutip siulittaasuata isumaqatigaattaaq, maannakkorpiaq taamaattunik oqaluuserisaqarnissamut immaqa nukissaqartoqartorsuunngitsoq.

- Sammisarli pillugu silaannaq qanoq ittuunersoq malugisinnaavara, taamaattumik nalunngilara kingusinnerusukkut aalajangiiffigisassatut siunnersuuteqassallunga, oqarpoq.

- Maannakkorpiarli Kalaallit Nunaat pillugu nunarsuarmi pisut qanoq isumaqarfigaagit?

- Oqallinneq ernumanarsinnaavoq. USA-li naalagaaffeqatigiillu iligeereerput Aqqalu Jerimiassen akivoq.

Assigiimmik aallaaveqarneq

Demokraatit siulittaasuat Jens-Frederik Nielsen neriuppoq qanittukkut qinersisoqassasoq.

- Taamaalilluta naalakkersuisunik nutaanik pilersitsisinnaavugut, aallaqqaammut nunanut allanut politikkimut tunngasunik suliaqalersinnaasumik. Tamanna silatusaarnerpaassaaq.

- Pissutsilli taamaanneranni qineqqusaartoqassaaq?

- Maannakkut qineqqusaartoqalereerpoq, Jens-Frederik Nielsen akivoq, isumaqarluni – qinersisoqarnissaa nalunaarutigineqarmat ukiukkut ataatsimiinneq aamma silatusaarluni atorneqarsinnaasoq USA-p præsidentitaassaata oqariartuutai oqaluuseralugit.

Partiini illuatungiliuttuni siulittaasut ullut tamaasa Naalakkersuisut siulittaasuannik nersualaarineq ajorput. Uanili oqaloqatigiinnermi tamanna pivoq, sapaatit akunnerani qaangiuttumi Múte B. Egede USA-mi tv-qarfimmi Fox Newsimi oqalugiarmat, tallimanngornermi Sermitsiap nittartagaani allaaserineqartumi.

Aqqalu Jerimiassenip oqaloqatigineqarnera ajunnginnerarpaa.

- Immaqa oqaatiginiakkami ilaat uteqattaarpallaalaarpaa, Fox Newsili tv-qarfiuvoq Trumpimik illersuisorpassuit malinnaaffigisartagaat. Taamaattumik tv-qarfik taannarpiaq eqqortuuvoq, Jerimiassen oqarpoq.

Fox News USA-mi tv-qarfiit isiginnaarneqarnerpaat ilagaat.

- Isumaqatigaara Múte eqqortuliortoq – inissisimanerput erseqqissarlugu, Jens-Frederik Nielsen oqarpoq, taamaattorli Danmarkimi nunatsinnilu ujartorlugu Danmarkimi naalakkersuinermik suliaqartut tassanngaannaq Kalaallit Nunaannik annertuumik soqutiginnilersut isornartorsiuinerunissaat. Isumaqarportaaq Ministeriuneq Mette Frederiksen (S) ersarinnerusinnaagaluartoq.

- Pissutsit ernumanartippigit?

- Piareersimasariaqarpugut. Aamma ingasattajaartunik oqariartuuteqarnissarput mianersuuttariaqarparput. Nunatsinniit ataasiusutut oqariartuuneqarnissarput silatusaarnerussaaq. Imminut assortuuttunik oqariartuuteqarnaveersaassaagut, Jens-Frederik Nielsen akivoq.

Aqqalu Jerimiassen matumani isumaqataavoq.

- Nunatsinni pisuni isumaqatigiinngissinnaavugut. Tamanna avaqqukkuminaappoq. Nunanulli allanut politikkimut atatillugu ataatsimoornissarput pingaartuuvoq. Nunarput pineqarpoq, oqarpoq.

TV-mi isiginnaartunut oqaluttoq

Múte B-Egede tv-qarfimmi Fox Newsimi ersarissunik aperineqaqattaarpoq, Naalakkersuisullu inissisimanerat nassuiarpaa, soorlu aamma Kalaallit Nunaanni Danmarkimilu tusagassiortunik katersortitsinermi taamaaliortoq.

- Sanileraatsigit, ilissi isumannaatsuunissarsi aamma uagut isumannaatsuuffissaraarput. Tamanna maanna arlariarlunga oqaatigaara, erseqqissassalluguli pingaartupilussuuvoq, Fox Newsimi apersuisumut oqarpoq.

Amerikamiut ernumagineqarsinnaanerat Múte B. Egedep annikillisarniarsaraa.

-NATO-mi ilaasortaajuarpugut, USA-millu nukittuumik suleqateqartuarsimavugut. Eqqaamioriippugut, ukiut kingulliit 80-inngulersut suleqatigiissimavugut, taamaattumik isumaqarpunga siunissami suleqatigiinnissamut periarfissarpassuaqartoq, oqarpoq erseqqissarlugulu Kalaallit Nunaat USA-mut ilanngukkusunngitsoq.

Ritzaus Bureau naapertorlugu Naaja H. Nathanielsen The Washington Postimi isummersuummik allappoq, Kalaallit Nunaat USA-mut ilanngukkusunngitsoq taamaattorli suleqatigiinnerunissamut periarfissaqartoq takusinnaagini.

Ilanngussaq: Uani allaaserisami apersuinerit Donald Trumpip ataasinngornermi USA-p præsidentiatut ivertinneqarnera sioqqullugu suliaapput. AG naammassilluni ataasinngornermi ualikkut naqiterivimmut nassiunneqassaaq,

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuiaqatigiit donald trump usa múte b. egede samfund

ATORFIIT Se alle jobs

Powered by Labrador CMS