Inatsisartut Allattoqarfiat nutaamik pisortartaartoq

61-inik ukiulik Steen Lynge ukiuni arlalinni politikkimik misilittagalik Ellen Kolby Chemnitzip soraarninngornerata kingorna nunami ataatsimiittarfiit pingaarnersaanni pisortanngussaaq.

Steen Lynge Inatsisartuts Bureau-mi pisortanngorpoq.

Arkivfoto: Leiff Josefsen

KASSAALUK KRISTENSEN KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 7. Juuli 2025 - 13:59

Annonse

Inatsisartut Allattoqarfiat aggustip aallaqqaataani pisortartaassaaq.

Inatsisartut siulittaasuat Kim Kielsen (S) Inatsisartut nittartagaanni tusagassiuutinut nalunaarummi taama ilisimatitsivoq.

61-inik ukiulik Steen Lynge Inatsisartuni ilaasortaasimasoq pisortanngussaaq:

- Pisortanngortussaq tassaavoq Steen Lynge, ullumikkut Naalakkersuisut qitiusumik allaffeqarfissuanni suliffeqarnermut ilinniartitaanermullu immikkoortortami pisortaasoq. Steen Lynge taamaalilluni ilaatigut pisortat ingerlatsiviinit allaffissornermik misilittagaqarluarpoq Inatsisartunilu inatsisartutigoortumik sulinermik ilisimasaqarluarluni, tusagassiutinut nalunaarummi allassimavoq.

Steen Lynge ukiuni arlalinni politikimik suliaqarnikuuvoq, Naalakkersuisunut aamma ilaasortaanikuulluni. Ukiorpassuani pisortaanikoq Ellen Kolby Chemnitz soraarninngortoq taarserpaa.