Inersimasut 250-it
sinerissamit tamarmeersut piffissami matumani tarnimikkut
misissuiffigineqarput, allalli 400-t taama
misissuiffigineqarnissaminnut utaqqisut allattorsimaffianniillutik.
– Tarnikkut
nappaateqartunut isumaginnittoqarfik ullutsinni naleqqutinngitsumik
tattoqisaaffiuvoq, sulisunik amigaateqarluni, minnerunngitsumillu
misissorneqarnissaminnik kissaateqartunit amerliartupiloortunit
tatineqarluni, ingammik ADHD-mik nappaateqartunut atatillugu,
peqqissutsimut innarluutilinnullu naalakkersuisoq Anna Wangenheim
oqarpoq.
Inersimasut 250-it
sinerissamit tamarmeersut piffissami matumani tarnimikkut
misissuiffigineqarput, allalli 400-t taama
misissuiffigineqarnissaminnut utaqqisut allattorsimaffianniillutik.
– Tarnikkut
nappaateqartunut isumaginnittoqarfik ullutsinni naleqqutinngitsumik
tattoqisaaffiuvoq, sulisunik amigaateqarluni, minnerunngitsumillu
misissorneqarnissaminnik kissaateqartunit amerliartupiloortunit
tatineqarluni, ingammik ADHD-mik nappaateqartunut atatillugu,
peqqissutsimut innarluutilinnullu naalakkersuisoq Anna Wangenheim
oqarpoq.
Taama
nappaateqartunut inissatigut atugassarititaasut maanna
pitsanngorsarneqassapput. Nuummi
Dronning Ingridip Napparsimmavissuani tarnikkut nappaateqartunut
immikkoortortaqarfik A1 napparsimasut immikkoortortaqarfiannut
ammasumut qulingiluanut inissaqarpoq aamma matoqqasumi
napparsimasunut
pingasunut inissaqarluni,
- tassa
katillugit
siniffiit aqqaneq-marluk.
Tarnikkut
nappaateqartunut isumaginnittoqarfiup illutassaanut
sanaartorneqalersumut februaarip aallaqqaataanni nivariaqqaarneq
siulleq pivoq. 2027-p naalernerani sanaartugaq nutaaq 22-nik
siniffittalik atorneqalissaaq.
Sanaartornermik
ingerlatsivik Permagreen Grønland A/S sanaartortuusoq,
sanaartukkamik marlunnik quleriinnik initalimmik, napparsimmavimmi
sanaartukkanut
naleqquttumik sanaartortuuvoq
- qalipaataalu
peqqinnissamut
isumaginnittuni sanaartukkat qalipaataat
sungaartoq assigalugu.
Tarnikkut
nappaatilinnut sanaartukkap nutaap ilusilersornerata eqaatsumik
inissitsiternissaanut periarfissaqarpoq. Tarnimikkut nappaatillit
nappaataasalu paasineqartartut allanngoriartornerannut naleqquttumik.
Soorlu inini qullerniillutik init oqaloqatiginnittarfiit
allaffeqarfiillu. Tamakkulu kingusinnerusukkut napparsimasunut
inissatut aaqqissuunneqarsinnaallutik. Sanaartukkami
tamakkiisumik naqqup ateqarpoq, napparsimmaveqarfimmit toqqorsivittut
atorneqartussamik. Sanaartukkami ambulancinut aamma inissiiveqassaaq
aamma
maanna
suliaritikkiartortunut akunnittarfiup aamma tarnikkut nappaatilinnut
sanaartukkap nutaap akornanni inissisimasussamik portørit
allaffeqassallutik.
Uninngasut
amerlanerusut sulisunik amerlanerusunik pisariaqartitsissasut
Sanaartornerli
kisimi naammanngilaq.
-
Tarnikkut
nappaateqartunut isumaginnittoqarfiup illutassaa sanaartorneqalersoq
periarfissanik nutaanik ammaavoq, aammali apeqqutissaqartitsilerluni,
Anna
Wangenheim oqarpoq.
Tarnikkut
napparsimasunut immikkoortortamut, aqqaneq-marlunnik inissalimmut
sulisussarsisinnaaneq sulisunillu tigumminniinnarsinnaaneq ullutsinni
ilungersunartuuvoq. Ajornartorsiut tamanna tarnikkut nappaatilinnut
immikkoortortamut 22-nut inissalimmut ilungersunarnerulissaaq.
-
Sullivimmi
pissutsit katsorsaanermilu pitsaassuseq, napparsimasunut
inissat amerlanerulernerisigut ilungersunartorsiortinneqalissapput,
tassa inissat amerlinerisigut aamma katsorsaariaatsinik nutaanik
allanillu ujartuinernut atatillugu, Anna Wangenheim oqarpoq.
Naalakkersuisut
Inatsisartuni partiinik tallimanik oqaloqateqarnertik
aallarnisarpaat, taakkununnga ilaallutik 2023-mi
isumaqatiginninniartut, peqqinnissaq pillugu isumaqatigiissummik
nutaamik annertunerusumillu pilersitsinissaq anguniarlugu. Anna
Wangenheimip neriorsuutigaa, tarnip pissusaanik ilisimasallit
inuiaqatigiinni inissisimanerat politikikkut isumaqatiginninniarnerni
qitiusumik sammineqarumaartut.
Nunatsinni
innuttaasut 1.400-t tarnikkut nappaateqartutut
nalunaarsorneqarsimapput.
Maligassiuineq
KIKKUT TAMARMIK INISSAQARTINNEQASSASUT
Marsimi
Inatsisartunut
qinersisoqarnerata
kingorna partiit
sisamat
naalakkersuisoqatigiilermata, Demokraatineersup Anna Wangenheimip
peqqissutsimut naalakkersuisutut
akisussaaffik kisiat
akisussaaffigiunnaarlugu aamma inuit innarluutillit pillugit
naalakkersuisunngortinneqarpoq.
Peqqissuunissaq
pillugu Nuummi
ataatsimeersuarnermi
”Nunamed
2025”-mi
taama tapertaasumik taaguuteqalernerminut tunuliaqutaasoq
nassuiarpaa.
-
Piffissami
sivisuallaartumi innarluutit
ersinngitsut taamaassimapput. Naalakkersuisutullu taaguutinni
allannguineq allaffissornikkut
iliuuseqarnerinnaanngilaq, aammali
politikikkut
oqariartuuteqarnerulluni.
Anna
Wangenheimip
taaavai tarnikkut nappaatit, isummakkut nappaatigalugu avissimasutut
ilineq, nikallunganeq, autismeqarneq, ineriartornikkut
innarluuteqarneq aamma kingunerlutsitsinerit.
-
Innarluutit nappaatillu tamakku inuiaqatitsinni, ilaquttatsinni
nassaassaapput, kisiannili
amerlavallaartutigut takunngitsoorneqartarlutik.
Inunnut
innarluutilinnut suliassaqarfiup kivinneratigut aamma
ersarissarneratigut, ersarissumik oqariartuuteqarusuppugut: Kikkunnut
tamanut inissaqartitsisoqassaaq.
Aamma takujuaannanngisatsinnut.
Anna
Wangenheimip
oqaatigaa,
tamanna
pingaarnersiuinermi tarnikkut nappaatillit pillugit pilersaarummi,
nuna tamakkerlugu tarnikkut nappaateqartunut nakorsiartarfimmik
pilersitsinissamik ilaqartoq.
– Innuttaasut
tarnimikkut nappaatillit timikkut nappaateqartunut
aaqqissuulluagaatigisumik paasinnittumillu pineqarnissaat
kissaatigaarput.
Tamanna ataqqinninneruvoq,
innuttaasullu taama
inissisimasut pillugit ataatsimut
paasisimasaqarnerulernissaat siunertarineqarluni,
Anna Wangenheim oqarpoq.
kurt@sermitsiaq.gl
Nunatsinni
ulloq unnuarlu paaqqinnittarfiit meeqqanut inuusuttuaqqanullu
tarnikkut nappaateqartunut isumaginnittussatut
piukkunnarsarneqarsimanngillat tarnimikkulluunniit
nappaateqartut
misissorneqarnissaminnik
pisariaqartitsisunut
tulluarsarneqarsimanngillat,
Namminersorlutik Oqartussat Nuummi meeqqanut
inuusuttuaqqanullu
arfineq-pingasunit 18-inut ukiulinnut
tulluarsakkamik
ulloq unnuarlu paaqqinnittarfimmut inissinneqarnissaminnik
imaluunniit pamersaanikkut aamma tarnikkut
misissuiffigineqarnissaminnik pisariaqartitsisunut, ulloq unnuarlu
paaqqinnittarfimmik pilersitsiniarput.
Siunnerfigineqartut
arlariiaanik
ajornartorsiuteqarsinnaasarput inuttullu ataasiakkaatut tamarmik
immikkut tapersersorneqarnissaminnik katsorsarneqarnissaminnillu
pisariaqartitsisartut.
Sanaartornermik ingerlatsiviup
EMJ-Atcon Greenland A/S-ip
illoqarfiup
immikkoortortaani Nuussuarmi
1.300 kvadratmeterinik annertussusilimmik
sanaartornini
siorna
aasakkut aallartippaa,
ulloq unnuarlu paaqqinnittarfik pilersaarutit naapertorlugit
aggustimi 2026-mi atorneqalissaaq.
Ulloq unnuarlu paaqqinnittarfinni inissat 20-t immikkoortunut
pingasunut kiisalu allaffeqarfimmut ataatsimut aamma sammisassanut
ilinniarnermullu illulimmut agguataarneqarput.
Ulloq unnuarlu
paaqqinnittarfik meeqqat ataasiakkaat pisariaqartitaat
aallaavigalugit ilusilersorneqarpoq, sanaartorneqartorlu
paaqqinnittarfinnut allanut maligassiuilluassalluni.
Sanaartorneqartoq
sanaartukkanut eqqaaniittunut
naleqqussarneqarsimammat, ulloq unnuarlu paaqqinnittarfik Nuussuarmi
Mannguata
eqqaani
najugaqarfinnut ilaasoq pissusissamisoortumik
inissisimavoq.
Namminersorlutik Oqartussat illoqarfiup immikkoortortaani Nuussuarmi meeqqanut inuusuttuaqqanullu 20-nut tarnimikkut nappaatilinnut inissalimmik ulloq unnuarlu paaqqinnittarfissamik sanaartortitsipput.
Assi: Sermitsiaq
