Inatsisartut
ineqarnermut attaveqarnermullu naalakkersuisup Hans Peter Poulsenip (S)
attartortumit piginnittumut aaqqissuussinerup allanngortinneqarnissaanik
siunnersuutaa marlunngornermi oktobarip 15-ianni siullermeerpaat.
Siunnersuut
naapertorlugu Namminersorlutik Oqartussat kommunillu namminneq
suliniuteqarlutik pisortat inissiaataat attartortittakkat
piginnittuuffigisanngortillugit imaluunniit piginneqataassutinik
attartortittakkat attartortunut tunineqarsinnaanngortinnissaat siunertaavoq.
Inatsisartut
ineqarnermut attaveqarnermullu naalakkersuisup Hans Peter Poulsenip (S)
attartortumit piginnittumut aaqqissuussinerup allanngortinneqarnissaanik
siunnersuutaa marlunngornermi oktobarip 15-ianni siullermeerpaat.
Siunnersuut
naapertorlugu Namminersorlutik Oqartussat kommunillu namminneq
suliniuteqarlutik pisortat inissiaataat attartortittakkat
piginnittuuffigisanngortillugit imaluunniit piginneqataassutinik
attartortittakkat attartortunut tunineqarsinnaanngortinnissaat siunertaavoq.
Sapinngisamik amerlanerpaat namminneq imminnut ineqartissasut
Inissiat
Namminersorlutik Oqartussanit kommuninilluunniit pigineqartut sorliit
inissiatut nammineq pigineqartunngortinneqassanersut
piginneqatigiilluniluunniit inissianngortinneqassanersut allannguutissatut
siunnersuummi aalajangersimasumik pilersaarutigineqarsimanngilaq.
Inissiat
attartortittakkat Namminersorlutik Oqartussanit pigineqartut sorliit
piginnittut piginneqataasullu inissiaataanngortinneqarnissaannik
pilersaarusiortoqassasoq Ineqarnermut Attaveqaqatigiinnermullu Naalakkersuisoq
Sermitsiamut allappoq.
” Namminersorlutik
Oqartussat inissiaataasa ikilisarneqarnissaat ineqarnermut
aaqqissuusseqqinnermut ilaavoq. Inissiat ikilisarnissaannut tunngaviusunik
siunnersuut 2024-p naanerani Naalakkersuisunut saqqummiunneqassasoq, tamatumalu
kingorna politikkikkut isumaqatigiissut pillugu isumaqatiginninniarnerit
aallartinneqassasut politikkikkut isumaqatigiissummi atuarneqarsinnaavoq. "
" Tassunga atatillugu Namminersorlutik Oqartussat inissiaataasa attartortittakkat
sorliit piginnittuunermut imaluunniit piginneqataassutsimik
inissianngortinneqarnissaat pillugu pilersaarusiortoqassaaq, Hans Peter Poulsen
(S) allappoq.
Taassuma erseqqissarpaa innuttaasut amerlanerpaat siunissami namminneq
inissaqartikkiartornissaat namminerlu inissiamik pigisaqarsinnaalernissaat
Ineqarnermut aaqqissuusseqqinnermi siunertarineqartoq, tamannalu attartornermik
piginnittumut aaqqissuussinerup allanngortinneqarneratigut, aamma ineqarnermut
aningaasalersuinermi aaqqissuussinerit naleqqussarneqarnerisigut
anguneqarsinnaasoq.
Nutarterinissamik
pisariaqartitsisoqarpat tuniniakkap allattorsimaffianni takuneqarsinnaassasoq
INI A/S-ip aamma
SIK-p inissiat amerlanertigut iluarsaanneqarnissamik kinguaattoorfiusartut
pisisunit tiguneqartussaanerat, attartortullu taakkuninnga tigusinissaminnut
aningaasaateqannginnerat pissutigalugu attartortumit piginnittumut
aaqqissuussinerup allanngortinneqarnissaa pillugu tusarniaanermut
akissuteqaamminni inissiat pisortanit pigineqartut attartortunut
tuniniarneqarnerat qularutigaat.
Tunisinermi inissiap qanoq inneranik paasissutissiineq pisussaaffiusoq
Ineqarnermut Attaveqaqatigiinnermullu Naalakkersuisoq Hans Peter Poulsen (S)
erseqqissaavoq.
„Pisussaaffimmut
inatsisit nalinginnaasut naapertorlugit pissutsit soqutaanngitsut tamaasa,
tuniniaasup ilisimasai ilisimasariaqaraluagalualluunniit, pisisussallu
inissiamik pisinissamut aalajangiinermini pingaartissagai tuniniaasup
paasissutissiissutigissallugu pisussaaffigaa", Hans Peter Poulsen
allappoq.
Inissiaq
attartorneqartoq namminersornermut piginneqataanermullu allanngortinneqarpat
attartortoq attartortutut inissiami najugaqarsinnaatitaajuartoq taassuma
erseqqissarpaa.
