KL

DK

Innaarsunni tunisisinnaaneq unitsikkallarneqartoq

Innaarsuit eqqannguaniittoq iluliarsuaq aseroratarsinnaammat nunaqarfimmi tunisassiorfimmut tunisineq unitsikkallarneqartoq Royal Greenland nalunaarpoq.

Innaarsunni Royal Greenlandip tunitsiviata eqqaani iluliarsuaq.
KASSAALUK KRISTENSEN
Digitalredaktøri
Saqqummersinneqarpoq

Iluliarujussuaq Innaarsuit talittarfiata eqqannguaniippoq. Taanna aseroratarsinnaasoq kommunimi upalungaarsimasut nalilerpaat

Tamanna aalisartunut tunitsivinnilu sulisunut ajornakusoortitsimmat nunaqarfiup tunisassiorfiani tunisineq unitsikkallarneqassasoq Royal Greenland aalajangerpoq.

- Sillimaniarneq eqqarsaatigalugu Avannaata Kommuniani upalungaarsimasunit innersuutigineqarpoq tunisineq unitsikkallarneqassasoq, allapput.

Innaarsunni innuttaasut Pilersuisumukassagaangamik ataatsimoorlutik ingerlasaqqunagit Avannaata Kommuniani upalungaarsimasunit mianersoqqunikuuaat. Pilersuisormi talittarfiup eqqannguaniippoq.

Qatserisartut piareersimapput iluliarsuarlu nakkutigilluarneqarluni.

- Pisoq malinnaaffigaarput, nalunaarutigineqarumaarporlu tunitsivimmi sulineq ingerlaqqilerpat. Allat tunitsiviit nunaqarfinni allani ammapput, Royal Greenland allappoq.

royal greenland inuiaqatigiit avannaata kommunia innaarsuit

Atorfiit tamaasa takukkit

– Se alle jobs

Powered by Labrador CMS