Innarluutillit oqaaseqartartuat: - –Danmark aamma akisussaaffeqarpoq

-Aaqqissuusseqqinnerit, aningaasaliinerit aamma inummik isiginnittaatsip allanngornissaa pisariaqartinneqarput –Danmark aamma akisussaaffeqarpoq, taama inuit innarluutillit oqaaseqartartuat Anja Hynne Nielsen tallimanngornermi aggustip ulluisa 23-anni Genèvemi FN-ip misissuinerani oqaaseqarpoq.

Anja Hynne Nielsenip ernumassutigaa kalaallit innarluutillit amerlasuut Kalaallit Nunaanni tapersersorneqannginnertik pillugu Danmarkimut nuuttariaqalertarnerat, tassanili unammilligassanik nutaanik nalaataqartarlutik marloriaammik immikkoortinneqartaramik. 

Taassuma tusagassiuutinut nalunaarummi erseqqissarpaa Kalaallit Nunaanni inuit pisinnaatitaaffiinik unioqqutitsineq oqartussaasut iliuuseqannginnerannik pissuteqartoq, tamannalu Kalaallit Nunaanni Danmarkimilu annertuumik iluarsaaqqinnissamik pisariaqartitsivoq.

- 

- Jeg påpegede derfor over for FNs handicapkomité, at Danmark har et ansvar for situationen, eftersom Danmark tillader forskellige standarder for efterlevelsen af menneskerettigheder i en del af Kongeriget og andre standarder i Grønland, siger Anja Hynne Nielsen og fortsætter:

-Inuit innarluutillit taakkulu ilaqutaasa ajornartorsiutaat, tassalu pitsaanerusumik ikiorneqarnissaq kissaatigalugu kajumissuserinngisamik Danmarkimut nuunnerminni naapittagaat – marloqiusamilli immikkoortitaanermik misigisaqartarnerat kiisalu nunamut allarpassuartigut isumaqatigiissummik aamma inuit pisinnaatitaaffiinik malinninngitsumut pisarnerat pillugit oqaluttuaraakka. Tamanna marloqiusamik ilaginnaaneruvoq.

Krænkelser af rettighederne for mennesker med handicap

Innarluutillit oqaaseqartartuata tusagassiuutitigut nalunaarutaa naapertorlugu FN-ip ataatsimiititaliaanut nalunaarusiaq saqqummiuppaa, tassani oqaatigalugu Kalaallit Nunaanni inuit innarluutillit, ingammik meeqqat inuusuttullu, inuiaqatigiinnit avissaaqqaneqarlutik kiserliortinneqartartut, pisinnaatitaaffii annertuumik unioqqutinneqartartut.

- Ataatsimiititaliarsuarmut oqaatigaara, inuit pisinnaatitaaffiinik aaqqissuussaanermi unioqqutitsineq pineqartoq. Aaqqissuusseqqinnerit, aningaasaliinerit aamma pisariaqarpat Danmarkimit tapersersorneqarnissaq pisariaqartinneqartoq. Innersuussutikka Kalaallit Nunaanni naalakkersuisunuinnaq sammiveqanngillat, aammali Kunngeqarfimmut Danmarkimut sammiveqarput, taanna Kalaallit Nunaanni – aamma kalaallinut Danmarkimiittunut inuit pisinnaatitaaffiinik illersuinerup qulakkeernissaanut akisussaaffeqaqataavoq.

Anja Hynne Nielsenip oqaasii naapertorlugit Kalaallit Nunaanni atugassarititaasut pillugit ataatsimiititaliarsuarmi ilaasortat arlallit itinerusumik apeqquteqarput, matuma ataani meeqqat aamma arnat innarluutillit atugassarititaat kiisalu Danmarkip Kalaallillu Nunaata atassuteqarnerat pillugu. Minnerunngitsumillu inuusuttut oqariartuutaat aamma Kalaallit Nunaanni pissutsit ilungersunassusaat ataatsimiititaliarsuarmi ilaasortanut eqquipput.

FN-ip Inuit innarluutillit pillugit Ataatsimiititaliarsua nunanit assigiinngitsunit immikkut ilisimasalinnik attuumassuteqanngitsunik 18-inik ilaasortaqarpoq. Taakku suliassaraat FN-ip Inuit innarluutillit pillugit isumaqatigiissutaa, Danmarkip 2009-mi ilannguffigisaa, 2012- imilu Kalaallit Nunaata malissallugu pituttorfigisaa eqqortinneqarnersoq nakkutigissallugu.