Inoqarfinni 17-ini interneti sukkanerulissasoq Tusass neriorsuivoq

Nunatta avannaani kujataanilu sumiiffiit arlallit internetimut attavii 30 Mbit-imut, maannamit pingasoriaammik sukkanerusumut, attaveqalerput. Tusass tusagassiutinut taama nalunaaruteqarpoq.

- Interneti sukkanerusoq augustip aallaqqaataani atuutilerpoq, taassumalu kinguneranik inoqarfinni taakkunani 17-ini najugaqartut piumagunik internetertik qaffatsissinnaajumaarpaat. 

- Maannalu sakkortusaavinnik pitsanngorsaaneq suli ingerlarsorpoq, suliallu ingerlanerani nunatsinni piffinni inoqarfinniittut amerlanerit sukkassusertik qaffatsissinnaajumaarpaat, Tusass allappoq. 

Tusassimit paasissutissat naapertorlugit inoqarfiit 17-it aggustip aallaqqaataaniit nutaamik periarfissaqalersut tassaapput:

• Alluitsup Paa
  
• Ammassivik
  
• Eqalugaarsuit
  
• Igaliku
  
• Ikerasak
  
• Ilimanaq
  

• Kangaamiut 

• Kitsissarsuit
  

• Kullorsuaq
  

• Naajaat
  

• Niaqornat
  

• Niaqornaarsuk  

• Qeqertaq
  

• Qaarsut
  

• Qeqertarsuatsiaat
  

• Saqqaq
  

• Ukkusissat