KL

DK

Inuit innarluutillit illersuisuat nutaaq sulilluni ulapilereersoq

Sisimiuni februaarip qaammataani sila issileruttornerata nalaani Inuit innarluutillit illersuisortaavat atorfittaaminut suliartorniarluni tikippoq. Tikinnermi kingorna sulisut ilinniarlugillu inuiaqatigiit pisariaqartitai misissuiffigisimavai. Qivioq Løvstrøm Sermitsiap naapippaa.

Tôrtia Reimer-Johansen
Journalist
Offentliggjort

Inuit innarluutillit illersuisuat nutaaq, Qivioq Løvstrøm atorfittaaminut iserteqqammerpoq, sapaatip akunneralu qanoq ingerlanersoq Sermitsiap paasiniaaffiginiarlugu pulaarpaa.

Tilioq Tusassip illuutaani quleriinni qalianiippoq, tassaniippoq Qivioq Løvstrøm atorfilittanilu, Sermitsiamilu tusagassiortoq isermat tikilluaqquaa.

Taassuma Sisimiuni silap issinnera malugisimallugu oqaluttuaraa:

- Sila issingaarmat amera panerpoq. Kisianni piareersimaffigereerpara, qungujulluni oqarpoq assanilu crememik allaffimmiittumik tanillugit. Apersorneqarnissaminut piareersarpoq.

Suleqatigiinneq nukittooq aallaqqaataaniilli

Qivioq Løvstrøm januaarip aallaqqaataaniilli atorfinippoq, Sisimiunullu februaarip aallaqqaataata missaani nuuppoq. Sapaatip akunneri siulliit marluk Tiliumi sulisut ilinniaqqaarpat, paasiniarlugu anguniakkat qanoq anguniarsinnaanerlugit.

- Kisima maani sulinngilanga, aamma sulisoqarpoq anguniagalinnik, suleqatigissavakka aqutsisuullunga. Taamaattumik piffissaq atorsimavarput immitsinnut ilinniarluta, Tiliullu kinaassusaa aamma paasiniarlugu.

Ilisimatusarfik suleqatigilerneqartoq

Qivioq Løvstrømmip atorfinikkami innarluutilinnut tunngasunut ilinniarittaaneq nukittorsaaqataaffigaa. Ilisimatusarfik suleqatigalugu Tilioq ilinniartitsissutsinik marlunnik pingasunilluunniit ilinniartitsisassaat, tassani innaluutilinnik sullissineq pisinnaatitaaffiillu pillugit ilinniartitsisassallutik.

- Nuannaarutigaara suleqatigiinneq aallartereermat. Tikkuartuutiinnarnata suleqatigiissagatta. Kommunimi sulilernissaannut piareersarneqassapput, taava kivitseqatigiissaagut, Qivioq Løvstrøm oqarpoq.

Qineqqusaartunut piareersarnerit

Qineqqusaarnerit aallartereerput qinersingajalerpugullu. Tiliup peqatigiiffiit kattufiillu piffissami qaninnerpaamik ataatsimeeqatiginiarpai, taamaalillugit Inatsisartunut kommunimullu qineqqusaartunut oqariartuuteqarsinnaaniassagamik.

disability spokesperson society qivioq løvstrøm municipal election 2025 kommunalvalg 2025 inuiaqatigiit inatsisartut valg 2025 inatsisartut election 2025 handicaptalsmand tilioq

ATORFIIT Se alle jobs

JOB – Se alle jobs

Powered by Labrador CMS