Inuk toqungasoq imaani nassaarineqartoq

Inuk toqungasoq Nuup eqqaani imaani sapaatiummat nassaarineqarpoq. Politiinit Carl Sværdip Sermitsiamut tamanna uppernarsarpaa.

Politiit sapaatiummat ullup-qeqqata qaangilaarnerani nalunaaqutaq 12.16 nalunaarfigineqartut, pigaartut pisortaat paasissutissiivoq.

Nunakkut pisuttut inuk uumassuseqanngitsoq immamiittoq takuaat, politiillu qatserisartullu sumiiffimmukarput inullu imaanit qaqillugu.

Inuk napparsimmaviliaanneqarpoq, tassanilu toqusutut nalunaarutigineqarluni.

Toqungasoq kinaassusersineqarpoq, sunali pissutaalluni toqusimanersoq toqusumik misissuisartut paasilluarsinnaasimanngilaa. Dan

Pigaartut naalagaat maannakkut tamanna pillugu oqaaseqarsinnaanngilaq. Taamaammat toqusumik timaanik misissuisartumik Danmarkimit tikisitsisoqarpoq.

Pisoq pillugu pigaartut pisortaat oqaaseqaqqissinnaanngikkallarpoq.