Inuunerissaavik Stenomi pisortaq nutaaq

Inuunerissaavik Steno Kalaallit Nunaata nakorsaaneq aamma ilisimatooq, Marit Eika Jørgensen, issittumi nakorsaanermik ilisimatooq Michael Lynge Pedersen kingoraarlugu pisortatut atorfinitsippaa.

Marit Eika Jørgensen atorfimmi sulilernissaminut qilanaarpoq:

- Atorfimmi tassani pissanganartumi atorfeqalernissaq qilanaareqaara. Inuunerissaavimmi diabetes nappaatillu inooriaatsimut attuumassuteqartut, ilisimatusarneq qarasaasiakkut nakorsiartitsineq, Peqqinnissaqarfiullu sinneranik suleqateqarneq annertuumik ukkanneqarput. Qilanaaqaanga, Marit Eika Jørgensen oqarpoq imalu nangilluni:

- Nunatsinni innuttaasut tamarmik, sumi najugaqarneq apeqqutaatinnagu, pitsaasumik nakorsarneqarnissaat pingaartitama ilagaat. Taamaammat qarasaasiakkut nakorsiartitsinermi nutaanik periarfissinneqarnerput, nunarpullu tamakkerlugu inuunerissaavinni sulisunik suleqateqarluarnerput nuannaarutigaara. Tamanna nakorsarneqarnissamut periarfissatigut naligiinnginnermik annikillisaaqqataavoq.

Stenomi ilisimaneqartoq

Kalaallit Nunaanni Peqqinnissaqarfik naapertorugu Marit Inuunerissaavimmut tunngatillugu pilerlaajunngilaq. Inuunerissaavik Steno Kalaallit Nunaanni 2021-imiilli nakorsaanertut ilisimatusartutullu atorfeqarpoq.

- Maritip atorfininneragut, ilinniagaqassutsikkut nukittuumik, nunatsinni pissutsinik ilisimasaqarluartumik, Kalaallit Nunaanni Inuunerissaavik Stenop ineriartorneranik ingerlatitseqqiisoqalernera nuannaarutigaara, Tina Amondsen Peqqinnissaqarfimmi pisortaaneq oqarpoq.

Michael Lynge Pedersenip pisortatut atorfik qimakkaluarlugu Inuunerissaavik Steno Kalaallit Nunaanniiginnassaaq siunissamilu qarasaasiakkut nakorsiartitsineq nunatsinnilu diabetesimik nakorsaanerup pitsaassususaanik inerisaaqqinneq ukkatassarilissallugit, Kalaallit Nunaanni Peqqinnissaqarfik ilisimatitsivoq.