Issittumi Tunngaviusumik Ilinniarfik
Inuusuttut 22-it sakkutuutut ilinniarnissaminnut piareerluinnartut
Issittumi Tunngaviusumik Ilinniarfimmut ilinnialersussat siulliit 22-it nunatsinni upalungaarsimaneq patajaassuserlu pitsanngorsarniarlugu ilinnialernissaminnut piareerluinnarput. 20-inik ukiulik Aputsiaq Lyberth, Tasiilameersoq taakkununnga ilaavoq. Taanna maannakkorpiaq ilinnialernissaminut piareersimalluinnarluni Kangerlussuarmiippoq.
Aputsiaq Lyberth, 20-inik ukioqartoq Kangerlussuarmi ilinnialernissaminut piareeqqalluinnarpoq.
Privatfoto
Maannakkorpiaq inuusuttut 22-it Kangerlussuami Issittumi Tunngaviusumik Ilinniarfimmi siullersaallutik ilinnialernissaminnut pissangallutik piareersimalluinnarput.
Ilinnialernissamut akuerisaasuni ilaavoq Aputsiaq Lyberth, 20-inik ukioqartoq. Taanna ullut pingasut qaangiuppata atualernissaminut qilanaarpoq:
- Qilanaaqaanga, maannakkut Kangerlussuarmiippunga, sumiiffissatsinniillunga.
Issuttumi Tunngaviusumik Ilinniarnermi tunngaviusumik sakkutuujunermi ilisimasassat Aputsiap ilinniassavai. Ilinniagarlu aqqutigalugu sakkutuutut imarsiortut, sakkutuutut timmisartortartut sakkutuut nalinginnaasut illersornissaqarfiulluunniit iluani allatigut ilinniaqqittoqarlunilu sulilertoqarsinnaavoq.
Aputsiap ilinniarneq aqqutigalugu sakkutuut piginnaasassaat ilisimalissavai suliassallu upalungaarsimanerup iluaniittut paasisaqarfigissallugit, aammalu ilinniartutut ataatsimoorfimmi immikkuullarissumi peqataalissaaq, tassanilu inuit sakkutuullu suleqatigissallugit.
Ilinniarnerup ingerlannissaanut piumasaqaataavoq tunngaviusumik ilinniarneq qaammatini arfinilinni ingerlanneqassasoq. Ilinniarnerup nalaani ilinniarlutillu sungiusassapput, taakkua aqqutigalugit timikkut tarnikkullu pitsanngorsassapput kiisalu pisuni sakkortuuni suleqateqarneq ilinniassallugu.
- Akuerisaasimallunga paasigakku nuannaaqaanga, kammalaatikka ilaquttakkalu ingerlaannaq oqarfigaakka, uattullu nuannaartigipput, Aputsiaq Lyberth Sermitsiamut oqaluttuarpoq.
200-ni 22-it
Ilinniarfimmut nutaamut inuit 200-it sinnerlugit qinnuteqarput, taakkunanilu taamaallaat 22-it akuerisaallutik. Ilinniagaq qaammatini arfinilinni ukiorluunniit ataatsip iluani pissaaq. Kangerlussuarmiinnaq pissanngilaq, Sisimiunut Danmarkimullu aamma angalasassammata.
Tunngaviusumik ilinniarneq naammassineqarpat, qaammatini arfinilinni ilinniakkap eqqarsaatersuutiginissaannut periarfissaqassapput, tassanilu ilikkakkat tigussaasunngorlugit inuttut sakkutuutullu misilittarneqassapput.
Ilinniarfiup tunniussinnaasanut Aputsiaq Lyberth piareersimavoq.
