Inuusuttut nunami allami ilinniagaqarnissaminnik aningaasaliiffigineqartut
Ivalo & Minik Fonden kalaallit inuusuttut Schweizimi, Belgiami USA-milu ilinniagaqarnissaannut aningaasaliissuteqarpoq.
Inuusuttut ilinniagaqarnissaannut tapersersuineq aamma nunap siunissaanut aningaasaliinerusoq Minik Rosing isumaqarpoq.
Assi: Jacob Ehrbahn/Ritzau Scanpix
Kalaallit Nunaannit ilinniartut pikkorissut pingasut Ivalo & Minik Fondenimit tapiiffigineqarnermikkut nunani allani ilinniagaqarsinnaalerput. Taakkua 200.000 koruuningajannik legatinik tunineqassasut siulersuisut kingullermik ataatsimiinnerminni aalajangertut aningaasaateqarfik tusagassiuutinut nalunaarummi allappoq.
Aningaasatigut tapiissuteqarneq aningaasaateqarfiup siulittaasuata Minik Rosingip nuannaarutigaa:
"Aningaasanik agguaanerit tamaasa, inuusuttunik annertuumik maligassiuerusuttunut ilinniarusussuseqartunullu tapersersuisarpugut. Aallartarput ilinniagaqarusussuseqarlutik annertuumillu tunniusimallutik angerlamullu utertarlutik nutaanik ilisimasaqalersimallutik, nutaanik isiginnittaaseqalersimallutik aammalu inuiaqatigiinnut tapertaanissamut sakkortuumik piumassuseqalersimallutik. Malinnaaffigalugillu attortinnarlutillu iguartinnarlutik," oqarpoq.
- Hans Peder Kirkegaard aingaasanik pissarsivoq PhD-liornissaminut Ilisimatusarfimmi Illersornissamut- isumannaallisaanermullu Issittumi politikki ilinniakkaminut atasumik Belfer Center Arctic Initiative at the Harvard Kennedy School USA-mi ilinniarnissaminut.
- Kivioq Kreutzmann Geneve Schweiz-imi Universitetimi semesteri ataaseq atuarnissaminut aningaasanik tunineqarpoq Film og Medievidenskab Københavns Universitetimi ilinniarnerminut atasumik ilinniariartornissaminut.
- Rosalia Stenbakken Gent-imi Belgiami semesteri ataaseq Aarhus Universitetimi politologi-mi Masterinngorniarnerminut atasumik atuarnissaminut aningaasaliiffigineqarpoq.
Royal Greenland, Royal Arctic Line, NunaFonden aamma GrønlandsBANKEN Inuussutissarsiornermut Aningaasaateqarfiullu ikiorsiinerannit ukiumut marloriarluni legatinik agguaassisoqarpoq.
Ivalo & Minik Fondenip kalaallit nunami allami ilinniagaqarniarniarlutik pilersaarusiortut qinnuteqaateqarnissamut kajumissaarpai. Qinnuteqarfissaq oktobarip aallaqqaataanut killeqarpoq.
