Islandimi timmisartortitseqatigiiffik aningaasaqarnikkut ajornartorsiuteqarpoq
Islandimi timmisartortitseqatigiiffik Play aningaasatigut ajornartorsiorpoq, periusissiornikkullu pilersaarut nutaap saqqummiunneqarnerata kingunerisaanik aktiat nalingat sapaatip-akunnerata siuliani appariartupiloorpoq.
Islandimi timmisartortitseqatigiiffik Play isertitaqarniarluni ilungersorpoq, siunissamilu periusissiamik pilersaaruteqarpoq: Europap kujasissuani sulinngiffeqarniarluni angallassinissaq.
PR
Timmisartortitseqatigiiffiup Play-ip siunissami sunik sammisaqarnissaminik pilersaaruteqarneranut atatillugu aktiat nalingi sapaatip-akunnerata ataatsip ingerlanerani 25 procentit missaannik appariarput.
Sapaatip-akunnerata siuliani timmisartortitseqatigiiffik allannguerujussuarniarluni nalunaarpoq, maanna Europap kujasissuani sunngiffimmi takornariartitsisartut pingaarnerutillugit Europap Amerikallu avannarliup akornanni timmisartuussinerit ikilisinneqarluinnarniarput.
Timmisartut Islandimilu sulisut ikilisinneqarumaartut, nunanilu allani timmisartuussinissamut akuersissummik qinnuteqartartoqassasoq, Islandimi tusagassiorfik visir.is allappoq.
USA-mi niuerneq allanngorsimavoq timmisartukkullu angalanissamut periarfissat amerliartuinnarput, tamatumalu Play-ip isertitai tatisimavai.
Annaassiniarnermut pilersaarut
Periusissiaq nutaaq ingerlatseqatigiiffiup annaanniarnissaanut tunngasoq, Play-imi pisortaanerusimasoq, Jón Karl Ólafsson, tusagassiuutinut oqarpoq.
- Suliffeqarfik aningaasanik annaasaqarsimasoq ersarilluinnarpoq, piginnittullu aningaasanik katersuiniartariaqarsimapput, Jón Karl tusagassiorfimmut oqarpoq.
Play-imi aqutsisut oktobarip 24-ani ingerlatseqatigiiffiup aningaasaqarnikkut angusaanik saqqummiussinissaa ilisimatitsissutaavoq.
