Islandip ministeriunera Nunatsinnut tikeraassasoq
Islandimi ministeriunerup Kristrún Mjöll Frostadóttirip tikeraarnermini Jens-Frederik Nielsen peqatigalugu ilinniarfeqarfiit arlallit pulaassavai.
Islandip ministeriunerata Kristrun Mjoll Frostadottirip EU-mi qullersat Københavnimi ataatsimiinneranni Jens-Frederik Nielsen ilaatigut naapippaa.
Assi: Piroschka Van De Wouw/Reuters/Ritzau Scanpix
Islandip ministeriunera Kristrún Mjöll Frostadóttir ataasinngornermi oktobarip 20-ani nunatsinni pisortatigoortumik tikeraarluni Nuummi tikissaaq.
Nalaakkersuisut Siulittaasuata Naalakkersuisoqarfia tusagassiutitigut nalunaarummi allappoq.
Kristrún Mjöll Frostadóttir oktobarip 22-ata tungaanut Nunatsinniissaaq.
Tikeraarnermini Naalakkersuisut Siulittaasuat Jens-Frederik Nielsen (D) peqatigalugu Atuarfik Hans Lynge Qinngorpumiittoq pulaassavaat. Pinngortitaleriffik Ilisimatusarfillu aamma pulaarneqassapput.
Royal Arctic Line, Sulisitsisut kiisalu Issittumi Sakkutooqarfik nunat siuttuinit aamma aqqusaarneqassapput.
