KL

DK

NUNARSUARMI

Israelip Irland Israelimut akerliunerarlugu pisuutippaa aallartitaqarfillu matullugu

Israelip nunat tamalaat eqqartuussivissuannut suliassanngortinneqarneranut Irland tapersersuivoq. Maanna Israelip aallartitaqarfini matuaa.

Israelsip nunanut allanut ministeria, Gideon Saar, isumaqarpoq Irland "Israelimut akerliulluni" politikkeqartoq.
RItzau
Saqqummersinneqarpoq

Israelip Dublinimi aallartitaqarfini matusussanngorpaa "naalagaaffiup irlandiamiup Israelimut akerliusumik politikkeqarnera" pissutigalugu.

Taamak AFP naapertorlugu nalunaaruteqarluni Israelip nunanut allanut ministeria, Gidoen Saar, oqarpoq.

Sapaatip akunnerata ingerlanerani Irlandip nalunaarutigaa, nunap nunarsuarmi eqqartuussivimmut (ICJ) Sydafrikamit suliassanngortinneqartumut tapersersuilluni. Suliami Israel inuiannut toqoraasimasutut pisuutinneqarpoq.

Tassunga ilanngullugu Irlandip siornatigut Palæstina naalagaaffittut akuerisimavaa.

- Israelip Dublinimi aallartitaqarfini matussallugu aalajangernera naalagaaffiup irlandiamiup Israelimut akerliusumik politikkeqarnera tunngavigalugu aalajangiineruvoq, Israelip nunanut allanut ministeriaqarfiup nalunaarutigaa.

Irlandip ministeriunerata, Simon Harrisip, Israelip taamak aalajangernera "assut ajuusaarnartuusoq" oqaatigaa.

- Minnerpaamilluunniit eqqortortaqanngilaq Irlandip Israelimut akerliusutut oqaatigineqarnera, attaveqaqatigiiffimmi X-mi taanna allappoq.

- Irlandip eqqissineq, inuttut pisinnaatitaaffiit nunallu tamalaat inatsisaat tapersersorpai.

- Irlandip marlunnik naalagaaffeqarnissaq kissaatigaa, Israelimiut Palæstinamiullu eqqissisimasumik isumannaatsumillu inuuneqarnissaat kissaatigaarput. Irlandip inuttut pisinnaatitaaffiit nunallu tamalaat inatsisaat pillugit oqaaseqarnissaa ataavartuarpoq. Tamannalu pillugu killilersorneqarsinnaanngilagut.

Irlandip assinganik, ukioq manna Spanien, Norge Slovenialu Palæstina naalagaaffittut akuerisimavaat.

Gaza-mi saassussineq sakkortooq kingulleq aallartippoq, palæstinamiut peqatigiiffiat Hamas 7. oktober 2023 Israelimut saassussimmat. Tassani inuit 1.200-t missaat toqutaapput, inuit 240-t missaat tigusarineqarlutik.

Taamaattumik Israelip Gaza-mi saassussineq aallartippaa. Gaza-mi peqqinnissaqarfiup kisitsisaata naapertorlugit saassussineq inuit 45.000-t missaat toqutaapput.

Israelip nunanut allanut tunngasunut ministeriaqarfiani nalunaarummi aamma allassimavoq Israelip Moldova-mi ambassade pilersikkusullugu. Reuters allappoq.

israel irland inuiaqatigiit samfund udland

ATORFIIT Se alle jobs

Powered by Labrador CMS