Taakkua qaavatigut peqqinnissaqarfik ukiumut 1,5 milliard koruuninik akeqarluni. Ataatsimut isigalugit, taama akeqarluni, Kalaallit Nunaat ingerlannera - assakaasut kaaviiartinneri, avannaaniik kujataanut, nunaqarfinniik illoqarfinnut. Assersuutigalugu Nukissiorfiit ukiumut akeqarpoq 900 milliunit sinnerlugit, Royal Arctic Line 1200 milliunit sinnerlugit, sinneqartooruteqarsimappat ilanngaatigigaanni, ingerlannerisa tassa akia.
Taakku marluinnaat ingerlanneri ukiumut 2 milliard kr. sinneqarput. Kisianni akia ukiut tamaasa annertusiartorpoq. Aningaasaqarnermut inatsisissatut siunnersuutip takutippaa ukiut tamaasa ataavartumik amingaartoorneq nalaaripput, imminik tammarnavianngitsoq.
Taakkua qaavatigut peqqinnissaqarfik ukiumut 1,5 milliard koruuninik akeqarluni. Ataatsimut isigalugit, taama akeqarluni, Kalaallit Nunaat ingerlannera - assakaasut kaaviiartinneri, avannaaniik kujataanut, nunaqarfinniik illoqarfinnut. Assersuutigalugu Nukissiorfiit ukiumut akeqarpoq 900 milliunit sinnerlugit, Royal Arctic Line 1200 milliunit sinnerlugit, sinneqartooruteqarsimappat ilanngaatigigaanni, ingerlannerisa tassa akia.
ISUMAGA
Isuma allaaserinnittup inuttut nammineq isumaanik ersersitsisuuvoq.
Taakku marluinnaat ingerlanneri ukiumut 2 milliard kr. sinneqarput. Kisianni akia ukiut tamaasa annertusiartorpoq. Aningaasaqarnermut inatsisissatut siunnersuutip takutippaa ukiut tamaasa ataavartumik amingaartoorneq nalaaripput, imminik tammarnavianngitsoq.
Akerliarnilli: 2026-mi amingartoorut milliard affangajaa matussuserneqarpoq. Ingerlaannartumik, ukiup tulliani koruunik milliunilikkaat arlallit nassaarineqassapput, 2028-milu amingartoorneq annertuseqqissalluni. Ingerlaneq taamatut ingerlaannarsinnaanngilaq, inuiaqatigiit aaqqissuussaanerat allanngortinnagu.
Suliffeqarfiit pisortat inuussutigaat
Pisortat karsii kisimik pineqanngillat. Suliffeqarfiit namminersortut, pisortanillu pigineqartut, annertuumik nappateqarput, pisortat suliniutinut aningaasaliisarnerannut. Inissialiornerit, atuarfiit, allaffeqarfiit, aserfallattaaliinerit, pilersuinermut atortut, attaveqaatit, ullumikkut suliffeqarfiit kaaviiaartitaannut qitiupput.
Pisortat aningaasaqarnerat ilungersunartumiikkaagat, taamaattumik sukkasuumik siammasissumik eqquisarpoq - aamma sulisut, naggaterpiaani inuussuteqartut, pisortat suliniutinik ingerlatitsinerannik.
Oqitsunik akissutissaqanngilaq kisianni qinigassaqarpoq
Sapiissuseqartariaqarpugut aperissalluta: Piviusorsiorpaa, napatissallugit inoqarfiit taama amerlatigisut, atuarfiit taama amerlatigisut, napparsimaviit, pilersuiffiit, innuttaasut utoqqaliartortut, aningaasat nalikilliartortut, pisiassat kiffartuussinerillu avataaneersut akitsoriartortut, aningaasatigut atuisinnaanerput neringaa milliartortillugu?
Piffissanngorpaa nukiit piffinnut ikinnerusunut katersornissaat - qulakkeerniarlugu pitsaassuseq imminullu napatissinnaaneq, aaqqissuussaaneq piffissaq ungasissumi immaqa napasinnaanngitsoq, attatiinnarnagu?
Oqitsumik akissutissaqanngilaq. Ilai isumaqassapput kulturerput, nunaqarfinnilu inooriaaseq aserorneqassasoq. Allat isumaqassapput kinguaariit tulliuttunut pisussaaffeqartugut, inuiaqatigiit aningaasatigut imminut napatissinnaasoq, qularnaassallugu.
Apeqqut tassaajunnaarpoq allamut sangusariaqarnersugut - kisiannili qanoq aammalu qanoq annertigisumik.
