KL

DK

Isumaqatigiissut nutaaq: Perorsaasuat akissarsiaat qaffapput

Perorsaasut nutaamik isumaqatigiissuteqarput. Perorsaasut akissarsiaasa aallaqqaammut 29.463,04 koruuninut qaffanneqarnissaat isumaqatigiissutigineqarpoq, 2024-mi apriilip aallaqqaataaniit atuutilersumik. Isumaqatigiissutip atuunnerata naanerani akissarsiat 30.062,48 koruuninut qaffanneqassapput.

Perorsaasut kattuffiat, Arnaq Brønlundimik siuttuuffigineqartoq, Namminersorlutik Oqartussanik isumaqatigiissummik nutaamik atsioqateqarpoq.
Tôrtia Reimer-Johansen
Journalist
Offentliggjort

Perorsaasut maanna akissarsiaat qaffanneqarput.

Taama Naalakkersuisut paasissutissiipput:

Det oplyser Naalakkersuisut:

- NPK susassaqartutullu illuatungiliuttut isumaqatigiissut nutarterlugu ukiuni tallimani atuuttussamik ulloq 16. januar 2025 isumaqatigiissuteqarput. Isumaqatiginninniarnerit eqqissisimasumik, akaareqatigiittumik tigussaasumillu ingerlanneqartut, allannguutit pingaarutillit arlallit pillugit isumaqatigiissuteqarnermik nassataqarput.

Naalakkersuisut paasissutissiissutigaat perorsaasut sulilu atualinngitsunik sullissisut allat akissarsiaasa qaffanneqarnissaat sulinerminilu atugarisaasa pitsaanerulernissaat qulakkeerneqartut.

-  Perorsaasumut aallaqqaammut akissarsiaritinneqartartut, tunngaviusumik akissarsiat tapillu aalajangersimasut ilanngullugit ulloq 1.april 2024 aallarnerfigalugu 29.463,04 kr.-nut qaffanneqarput. 

- Isumaqatigiissutip atuuffia naalerpat akissarsiat taakku 30.062,48 kr.-nut qaffanneqassapput.

Soraarnerussutisiassat ukkatarineqarnerusut

Isumaqatigiissummi allannguutit pingaaruteqarnerpaat ilagivaat, sulisitsisut soraarnerussutisianut akiliutigisartagaasa qaffanneqarnerat, akissarsiani soraarnerussutisiaqataalersussat 10,5%-imut qaffanneqarmata.

Tamatuma saniatigut illuatungeriit isumaqatigiissutigaat, sulisup soraarnerussutisiassaminut nammineq akiliutigisartagaat isumaqatigiissummut piffissaliussap naanerani 2 %-imiit 5 %-imut qaffassasoq.

Tarnikkut napparsimasunik sullissinermi-tapit

Perosaasut tarnikkut napparsimasunik sullissisartut tapeqalersinneqarput.

- Tarnikkut nappaatilinnik isumaginninneq kommunimi suliniutaavoq innuttaasup angerlarsimaffiani, najugaqatigiiffinni imaluunniit najugaqatigiiffinni illersugaasuni ingerlanneqarsinnaasoq, inuillu tarnikkut nappaatillit namminneerlutik isumalimmillu inuuneqalernissamut tapersersorneqarnissaannik siunertaqarluni.

Isumaqatigiissut nutaaq ulloq 1. april 2024-miit 31. marts 2029 tungaanut atuutissaaq.

inuiaqatigiit samfund

ATORFIIT Se alle jobs

Powered by Labrador CMS