Ittoqqortoormiini uulia 22.000 liiteri kuuttoq

Ittoqqortoormiini Qinngaaivata tungaaniittuumi Nukissiorfiit peqqumaataasiviani tanki angisooq uuliakoortoq politiit pingasunngormat nalunaarfigineqarput.

Kalaallit Nunaanni Politiit tusagassiuutinut taama nalunaaruteqarput.

Uuliakoornerup qanoq ililluni pisimanersoq politiit maannakkut misissuiffigaat, tassungalu atatillugu innuttaasut uuliakoornermut atatillugu maluginiagaqartoqarsimappat tusarfigerusunneqarput.

Uulia 22.000 liiterit missaat kuussimasoq, politiillu pinerluttoqarsimanersoq paasiniaraat pigaartut pisortaat Preben Kleist oqarpoq.

Sumiiffimmi upalungaarsimasut ilisimatinneqarput, taakkulu uuliakkornerup siammarternaveersaarnissaa salinnissaalu akisussaaffigaat.

Illoqarfiup politiivi uunga normumut attaveqarfigineqarsinnaapput: 701225.