J.D. Vance poorskimi pave Fransimik sivikitsumik ataatsimeeqateqarpoq

Katuullit oqaluffiata qullersaa pavip angerlarsimaffianit USA-p vicepræsidentialu poorskimi inuulluaqqoqatigiipput.

Siusinnerusukkut pave Fransip Amerikamiut præsidentiata Donald Trumpip nunasisunut politikia sakkortuumik isornartorsiorpaa. Sapaatiummat Amerikamiut vicepræsidentianik J.D. Vancemik Vatikanimi sivikitsumik naapitsivoq.

Assiliisoq: Divisione Produzione Ica/Reuters

Ritzau / Reuters Ritzau / Reuters

Published 20 April 2025 - 14:04

Ussassaarut

Amerikamiut vicepræsidentiat J.D. Vance, poorskip sapaataani Vatikanimi pave Fransimik sivikitsumik naapitsivoq.

Taama Vatikani oqariartuummini nalunaarpoq.

Nutaarsiassaqartitsivik AFP naapertorlugu ataatsimiinneq minutsialuinnarnik sivisussuseqarpoq, tassanilu taakku marluk poorskimi inuulluaqqoqatigiipput.

Katuullit oqaluffiat ilaatigut USA-mi nunasisut milliuunilikkaat aallartinneqarnissaannik Trumpip naalakkersuisuisa pilersaarutaannut sakkortuumik isornartorsiuivoq.

Siusinnerusukkut pave Fransip Amerikamiut nunasisunut politikiat ”kanngunartuliornertut” taavaa.

Ussassaarut

Vance pavip qanimut suleqataanik katuullillu oqaluffiata sinniisuinik nuimasunik allanik arfininngornermi ataatsimeeqateqarnerminni ilaatigut nunasisut oqaluuseraat. Vatikani naapertorlugu ”oqaloqatigiinnerit kialaartumik” ingerlanneqartut, AFP allappoq.

Alaatsinaattut naapertorlugit maanna Vatikanip USA-mik ataassuteqarnini pingaarnerutippaa.