KL

DK

ILINNIARTITAANEQ

Jennifer Marielu Danmarkimi ajoqinngorusuttut

Aalborgimi Vor Frue Sognimi ilagiit sinniisaannut ilaasortat kalaallit marluk, Aalborgimi kalaallit ilagiinnit sullinneqarnerat qulakkeerumallugu ajoqinngorniarlutik aallartipput

Jennifer Angel Winther (saamerleq) aamma Marie Lynge Møller Danmarkimi ”ajoqinngorniarnermik ilinniarneq” aallartippaat, taamaalillutik ajoqi Ove Poulsen oqilisaassinnaaniassagamikku.
Jesper Hansen freelance journalist
Offentliggjort

Aalborgip qeqqani Vor Frue Sognimi ilagiinni kalaallit ilagiinnut ilaasut amerlaqaat. Illoqarfiup ilaa tamanna kalaalerpassuit najugaqarfigaat, taakkulu Vor Frue Kirke najukkaminni oqaluffimmittut atorpaat.

Tamanna ilagiit sinniisaannut qanittukkut qinersinermi erserpoq, ilagiinnimi sinniisunngortut marluk Kalaallit Nunaanneersuummata. Taakku tassaapput Jennifer Angel Winther, Tasiilameersuusoq, aamma Marie Møller Lynge, ukiorpassuarni Nuummi ilinniartitsisuusimasoq.

Aalborgip qeqqani Vor Frue Sognimi ilagiinni kalaallit ilagiinnut ilaasut amerlaqaat. Illoqarfiup ilaa tamanna kalaalerpassuit najugaqarfigaat, taakkulu Vor Frue Kirke najukkaminni oqaluffimmittut atorpaat.

Tamanna ilagiit sinniisaannut qanittukkut qinersinermi erserpoq, ilagiinnimi sinniisunngortut marluk Kalaallit Nunaanneersuummata. Taakku tassaapput Jennifer Angel Winther, Tasiilameersuusoq, aamma Marie Møller Lynge, ukiorpassuarni Nuummi ilinniartitsisuusimasoq.

Organisti kalaallisut ilinniartinneqartoq

Naluneqanngitsutut qallunaat oqaluffinni organistit kalaallisut tussiutit atoruminaatsittarpaat. Tussiutit kalaallisut tussiarneqartartut qallunaat paasinnittaasiat naapertorlugu arriitsumik tussiarneqartarput – taamaattumillu taakku pattannerat kalaallinut tusarnerpallaartaratik.

Aalborgimi Vor Frue Kirkemi tamanna iliuuseqarfigaat, oqaluffimmilu organistit pingasuusut ilaat, Ebbe Michelsen, maannakkut kalaallimut tussiartartumut Jennifer Angel Wintherimut aamma Aalborgimi kalaallit erinarsoqatigiivinut Ullorissanut aalajangersimasumik pattattuusalerluni.

Tamanna siuariarnerujussuuvoq. Ebbe pattalluartarpoq ilinniartikkuminarlunilu, taamaattumik nuannaarutigaarput maannakkut kalaallisut tussiarnermik amerlanernit paasinnilluarnerusumik – aamma kalaallisut qinoqatigiinnermi eqqortumik appiffissai eqqorlugit ilinniarsimasumik – organisteqaleratta, Jennifer Angel Winther oqarpoq

Ilinniarlutik aallartittut

Ilagiit sinniisaannut qinersinermut atatillugu taakku marluullutik Aalborgip Biskopeqarfiani Inersimasutut Upperisarsiornermik ilinniarlutik aallartipput.

- Ukiuni pingasuni sunngiffimmi ilinniarneruvoq, kalaallillu ajoqinngorniarlutik ilinniarnerannut assingulluni – aamma kalaallisut ajoqitut suliassanik suliaqarsinnaanerput anguniarneqarluni, Jennifer Angel oqarpoq.

- Assigiinngissutaat allaanerulluinnartoq semesterit tallimaanni pisussaavoq, tassanilu tussiutit naalagiarnermi atorneqartartut ilinniartinneqarnerusarlutik, Jennifer Angel oqarpoq.

- Ajoqip Ove Poulsenip Hirtshalsimi najugaqartup, kalaallisut tussiutinik ilinniartissinnaagaatigut isumaqatigiissuteqarfigaarput, qallunaatummi tussiutinik ilinniarnissarput uagutsinnut tulluarpallaanngimmat.

Kalaallisut qinnussineq

Marie Lyngep aamma Jennifer Angel Wintherip ukiut pingasut qaangiuppata ilinniarnertik naammassissagamikku qilanaaraat.

- Ove taamaalilluta, qinnussinermik oqaluffimmilu kalaallisut suliassanik ulapputeqakulasartoq, oqilisaassinnaalissavarput, Marie Møller Lynge nassuiaavoq.

Danmarkimi oqaluffimmi organistip Ebbe Michelsenip, Aalborgimi Vor Frue Kirkemi organistiusup, kalaallit tussiutaat kalaallisut arriinnerusumik pattannissaat ilikkarsimavaa

- Ove ullumikkut qaammammut ataasiarluni Vor Frue Kirkemi kalaallisut naalagiartitsisarpoq, tamatumalu saniatigut Hirtshalsimi aamma nunap immikkoortuani tamaani kalaallisut naalagiartitsisarluni.

Ove kakkaginartumik suliaqarpoq – akissarsiaqartinneqanngilluinnarluni. Taamaattumik uaguttaaq taamaaliornissatsinnut piffissanngorpoq.

Jennifer Angel Wintherip Marie Møller Lyngellu Aalborgimi Vor Frue Sognimi ilagiit sinniisaannut ilaasortanngornerat nalaatsornerinnaanngilaq.

Kalaallisut tussiartitsisartoq

Jennifer Angel Winther ukiuni arlaqalersuni Aalborgimi kalaallisut tussiartitsisartuuvoq.

- Oqaluffimmi iliuuserisartakkatsinni aamma kalaallisut iliuuseqarsinnaanissarput pisariaqartilluinnarparput, ingammik ilisinerni, aammali kuisitsinerni katittoqarnerinilu, Jennifer ukiut marluk matuma siornagut atorfinitsinneqarmat, palasi Sophie Nordentoft taama oqarpoq.

- Kalaallisut tussiutinik aamma pissarsivugut. Naak ilisinerni ileqqut malillugit kalaallisut ilisisinnaanngikkaluarlunga, amerlaqisut ilisinermi kalaallisut tussiutit atorneqartarnerat nuannaarutigisaraat misigisimavara. Ilisineq ilaatigut ilitsoqqussaralugu oqaatsit atorlugit ingerlanneqarsinnaammat toqukkut qimagaasunut tuppallersaataasarpoq – tamannalu nuannaarutigaarput, palasi oqarpoq.

Ullorissat

Jennifer Angel Wintherip aamma Marie Lynge Møllerip Aalborgimi erinarsoqatigiit Ullorissat, aamma Vor Frue Kirkemi sungiusartartut peqataaffigaat. Naak erinarsoqatigiit Vor Frue Kirkemi sungiusartaraluartut, oqaluffinnit tamanit tussiariartoqquneqarsinnaapput.

- Erinarsoqatigiinni amerlanngilagut, tamatigulli tulleeriilluta tussiartarluta, tussiutillu amerlasuut kalaallit nuutaataanneersut atortarlutigik. Erinarsoqatigiit oqaluffinni allani ikiuunnissaminnut aamma piareersimasarput, ingammik ilisisoqartillugu, Jennifer Angel Winther oqarpoq.

Juullip qaammataani ulapaarfiusumi juullertinnagu sapaassuit tamaasa kalaallisut naalagiarnerit peqataaffigisarpavut. Decembarip aallaqqaataanni Hirtshalsimi kalaallisut naalagiartarpugut, ingerlaqqillutalu decembarip arfineq-pingajuanni Thistedimi oqaluffimmi, decembarip 15-iani maani Vor Frue Kirkemi aamma decembarip 22-anni Frederikshavnip oqaluffiani.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

aalborg teologisk voksenuddannelse samfund menighedsråd inuiaqatigiit grønland vor frue kirke

ATORFIIT Se alle jobs

Powered by Labrador CMS