Jørgen Boassen annilaarutigeqisaminik ippassaq
pingasunngornermi kalerrinneqarpoq.
- Allaffigineqarsimagaluarama,
akinnginnama ingerlaannaq sianerfigineqarpunga paasisaqarsimanersunga tusagaqarsimanerlungalu.
Naaggaarama oqarpoq: Ukua linkit marsilaakkit, Jørgen Boassen oqarpoq.
Jørgen Boassen annilaarutigeqisaminik ippassaq
pingasunngornermi kalerrinneqarpoq.
- Allaffigineqarsimagaluarama,
akinnginnama ingerlaannaq sianerfigineqarpunga paasisaqarsimanersunga tusagaqarsimanerlungalu.
Naaggaarama oqarpoq: Ukua linkit marsilaakkit, Jørgen Boassen oqarpoq.
Linkillu iserfigigamigit ikinngutini
oqallitsitsinermi Utah Valley Universitymi pisumi aallaaneqartoq takuaa.
- Aallaaneqarnera takugakku
ingerlaannaq tassa paasivara anigornavianngikkaa. Tassani aliasuttorujussuanngorpunga.
Charlie Kirk 31-nik ukioqarluni toqusoq Trumpimik
illersuisuunini MAGA-millu tapersersuisuunini nalunnginneqaatigaa. Taassuma USA-mi præsidentip Donald Trumpip ernera Donald Trump
Jr. ukioq tikeraaqatigimmagu Jørgen Boassenip ilisarisimalerpaa kingornalu
attaveqatigisalerlugu. Ippassaq pisup alianartup kingorna eqqarsaatai
siullermik qanigisaaniipput.
- Ilaqutanngui, nulia meerai
suleqataalu eqqarsaatiginaqaat.
Donald Trump Jr. aamma Charlie Kirk allanik peqateqarlutik Nuummut januaarimi tikeraarput.
Assiliisoq: Morten Okkels
Tarrarsorfigisaraa
Politikkikkut isummaminik siammarterisartoq
suna peqqutigalugu aallaaneqarsimanersoq suli maannamut ilisimaneqanngilaq. Politikkikkulli
isummersortarnera peqqutigalugu aallaaneqarsimassasoq Jørgen Boassenip qularinngilaa.
- Uggornarpoq 2025-mi suli taamaattoqarsinnaammat.
Namminerlu politikkikkut isummani
peqqutigalugit siorasaarneqartarsimalluni eqqaavaa.
- Toqumut qasseriarlunga
sioraasaarneqartarpunga, saassunneqartarpunga imerniartarfinni, aammalu caféni
nilliaffigineqartarlunga pisarpunga politikkikkut isummersuutikka tunngavigalugit.
- Aqqusaartagai takoreerlugit uanga
inuttut tarrarsorfigisinnaavara, Jørgen Boassen oqarpoq.
Kingullermillu aggustip qiteqqunnerata
missaani attaveqatigiipput. Jørgen Boassen USA-mi Floridami Tampamukassalluni takorusullugu
allaffigaa.
- Eqqaani najugaqarami, allaffigivara
tikilerlunga. Akivorli piffissaqarnani allami angalasussaagami. Kisianni
ajunnginnersunga apeqqutigalugu, taanna oqarpoq.
Jørgen Boassenip Charlie Kirk kingullermik
qanimut januaarimi takuaa.
- Kingullermik Det Hvide Husip (USA-mi præsidentip
illorsuata) silataani januaarimi naapippugut, Trumpi ivertitaareernikoq.
- Inuppalaartorujussuuvoq, Jørgen Boassen oqarpoq.
